Ифтитоҳи корхонаи тавлиди бетон "Бохтар иншоот" бо зарфияти 240 тонна дар як шабонарӯз

8 октябр дар доираи сафари корӣ ба ноҳияи Кӯшониён раиси вилояти Хатлон Давлаталӣ Саид корхонаи истеҳсоли бетони ҶДММ «Бохтар иншоот»-ро, ки дар деҳаи Баракати ҷамоати деҳоти Навбаҳор бунёд гардидааст, мавриди истифода қарор доданд.

Корхонаи мазкур аз ҷониби соҳибкори маҳаллӣ Раҳимов Сафар дар соли 2026 бунёд шуда, корҳои сохтмонӣ дар он шаш моҳ идома ёфтаанд. Дар давраи сохтмон 6 нафар сохтмончӣ ба корҳои мавсимӣ ҷалб гардида, бо ҷойи кор ва маоши муносиб таъмин шудаанд.
Маблағи лоиҳавии сохтмони корхона 1 миллион сомониро ташкил медиҳад. Иқтидори истеҳсолии коргоҳ дар як шабонарӯз 240 тонна бетон буда, маҳсулоти истеҳсолшаванда барои истифода дар корҳои сохтмонӣ пешбинӣ шудааст.

Бо ба истифода додани корхона барои 20 нафар сокинони маҳал ҷойи кори доимӣ фароҳам оварда мешавад. Ба истифода супорида шудани корхонаи нави истеҳсолӣ дар баробари рушди соҳибкории маҳаллӣ, ба зиёд гардидани иқтидори истеҳсолӣ, ташкили ҷойҳои нави корӣ ва таъмини бозори дохилӣ бо маҳсулоти сохтмонӣ мусоидат хоҳад кард.

📱 Обуна шавед — Ҳамдастӣ
📱Ба Тик Токи мо обуна шавед