Ба атрҳои дигаронро ҷалб мекарда эътимод накунед

Маркази назорати давлатии санитарию эпидемиологии вилояти Суғд аз сокинон даъват кардааст, ки ба таблиғи атрҳои ба истилоҳ «феромонӣ» бо эҳтиёт муносибат кунанд.

Ба иттилои марказ, имрӯз дар шабакаҳои иҷтимоӣ чунин атрҳо ҳамчун воситаи «ҷалбкунандаи диққат» ва ҳатто маҳсулоте муаррифӣ мешаванд, ки гӯё метавонад майли шахси дигарро зиёд кунад, аммо то имрӯз далели қавии илмӣ вуҷуд надорад, ки атрҳои тиҷоратии феромонӣ инсонро ба таври кафолатнок ҷалб карда метавонанд.

Дар баробари ин, бӯи хуш метавонад ба таассуроти одамон ва эътимод ба худ таъсир расонад, вале ин маънои доштани «қувваи махфии ҷалб»-ро надорад. Мутахассисон ҳамчунин ҳушдор медиҳанд, ки баъзе таркибҳои атр метавонанд боиси хоришу сурхшавии пӯст, аллергия, дарди сар, дилбеҳузурӣ, сулфа ё душвории нафаскашӣ шаванд.

Аз ин рӯ, ба шаҳрвандон тавсия дода мешавад, ки пеш аз харид таркиб, истеҳсолкунанда ва муҳлати истифодаи маҳсулотро санҷида, саломатии худро аз ваъдаҳои рекламавӣ болотар гузоранд.

📱 Обуна шавед — Ҳамдастӣ
📱Ба Тик Токи мо обуна шавед