Интиқоди муфтии Тоҷикистон аз танфурӯшиву ҳамҷинсгароӣ

Раиси Шӯрои уламои Маркази исломии Тоҷикистон (Муфтии Тоҷикистон) Саидмукаррам Абдуқодирзода ҳамҷинсгароӣ ва танфурӯширо қатъиян маҳкум карда ва онҳоро аз назари Ислом аъмоли нангин, гуноҳи кабира ва офати ҷомеа медонад.

Саидмукаррам Абдуқодирзода дар мавъизаҳои намози ҷумъа дар Масҷиди марказии Душанбе ҳамҷинсгароиро «амали манфур, нангин ва муҳлик» ва «бадбахтиву касофат» номидааст.

Муфтии Тоҷикистон таъкид намудааст, ки баъзе давлатҳо ва ташкилотҳои хориҷӣ барои паҳн кардани ин падидаи номатлуб дар байни мусулмонон маблағгузорӣ мекунанд. Ӯ даъват кардааст, ки ин кор бо роҳи насиҳату фаҳмондадиҳӣ ва тарбияи дуруст пешгирӣ карда шавад.

📱 Обуна шавед — Ҳамдастӣ
📱Ба Тик Токи мо обуна шавед