🇺🇸🇷🇺🇺🇦 Reuters: АҚШ Россиянинг дизель ёқилғиси экспортига рухсат бериш Москва позициясини юмшатишига умид қилмоқда
АҚШ президентининг махсус вакиллари Стив Уиткофф ва Жаред Кушнер 9 октябрь куни Майамида украиналик музокарачиларга Россия дизель ёқилғиси экспортига рухсат бериш бўйича келишув урушни тугатиш учун Москвани музокаралар столига қайтаришга қаратилган саъй-ҳаракатларнинг бир қисми эканини билдирган. Бу ҳақда Reuters ўз манбаларига таяниб хабар берди.
Америкалик вакиллар Украина томонига Владимир Путин музокаралар олиб боришга тайёр бўлмаганини маълум қилган. Уларнинг фикрича, дизель ёқилғиси бўйича келишув Москва позициясини «юмшатишга» ёрдам бериши мумкин. Бу, жумладан, Дональд Трампнинг Россия билан муросага боришга тайёрлигини кўрсатувчи ишора бўлади.
Айни пайтда, Reuters агентлигининг Кремлга яқин манбаси Путин фақат «Донбасснинг қолган 11 фоизини қўлга киритиб, буни мамлакат ичида ғалаба сифатида кўрсата олганидан кейингина» музокаралар столига қайтишини билдирган.
@Geointriga_uz
Post #44128
3.58K
- 😁 8
- ❤ 4
- 🤔 3
- 👍 1