🇺🇸🇷🇺 Оқ уй Россиядаги эҳтимолий ўлат ҳолатини кузатмоқда — Axios

Дональд Трамп маъмурияти Россиянинг Иркутск вилоятидаги эҳтимолий ўлат ҳолати ва унга боғлиқ карантин чораларини кузатмоқда. Axios’га АҚШ маъмурияти вакили Вашингтон вазиятдан хабардор экани, уни кузатаётгани ва эҳтимолий чораларни баҳолаётганини билдирган.

Воқеа Иркутскдаги Ўлатга қарши илмий-тадқиқот институти ходими, 28 ёшли Дарья Шипилованинг ўлими ортидан бошланди. Маҳаллий ОАВ маълумотларига кўра, 25 сентябрь куни у лабораторияда ўпка ўлатини келтириб чиқарувчи Yersinia pestis бўлган пробиркани тасодифан синдирган ва шундан кейин касалланган бўлиши мумкин. У 29 сентябрда шифохонага ётқизилган ва 2 октябрь куни вафот этган.

У билан алоқада бўлган қарийб 200 киши тиббий кузатувга олинган. Иркутскда бир қатор тиббий муассасаларда карантин чоралари жорий этилган, айрим ҳудудларда эса ниқоб режими киритилган.

@Geointriga_uz