Украина разведкаси Владимир Путин қиш олдидан Киев ва бошқа шаҳарлардаги кенгроқ доирадаги фуқаролик объектларига ҳаво зарбаларини бериш бўйича «янги доктрина» қабул қилганини кўрсатувчи ҳужжатларни қўлга киритган. Бу ҳақда Украина президенти Reuters агентлигига берган интервьюсида маълум қилди.
«Биз ҳужжатларни кўрдик ва уларга инфратузилма, логистика, йўллар, мактаблар ва шифохоналарга ҳужум қилиш, одамларни пойтахт ва бошқа шаҳарларни тарк этишга мажбурлаш имкони берилганини биламиз. Операциянинг мақсади ҳам шунда», — деди Зеленский.
Унинг сўзларига кўра, сиёсатнинг ўзгаришига Путин армияси фронтнинг муҳим ҳудудида ўз позицияларини йўқотаётган ва катта талафот кўраётган бир пайтда кучини намойиш этиш истаги сабаб бўлган.
@Geointriga_uz