«Бугун Фридрих Мерц билан жуда самарали учрашув ўтказдик. Украина учун 1,3 миллиард евродан ортиқ маблағни ўз ичига олган комплекс янги ёрдам пакети келишиб олинди. Унда ҳозирнинг ўзидаёқ ёрдам берадиган қурол-яроғлар, шунингдек, қиш олдидан энергетика соҳамизни қўллаб-қувватлашга қаратилган муҳим энергетика пакети бор.

Бугунги кунга қадар 15 та келишув ва ҳужжат имзоланди. Уларнинг аксарияти хавфсизлик соҳасидаги ҳамкорлик, ишлаб чиқариш, тегишли харидлар, Германия саноатига бераётган буюртмаларимиз ва Украинадаги қўшма лойиҳаларга тааллуқли. Бугун эришилган келишувларнинг умумий қиймати 8,5 миллиард евродан ошади. Дронларга қарши биргаликда курашиш имкониятларимизни кенгайтирадиган алоҳида битим ҳам имзоланди.

Германияга, сенга, Фридрих, бутун Европага Украина ёнида турганингиз ва ҳаётларни ҳимоя қилишимизга ёрдам бераётганингиз учун раҳмат».