АҚШнинг Урушни ўрганиш институти (ISW) ҳисоб-китобларига кўра, сентябрда Россия қўшинлари 175,54 км² ҳудудни эгаллаган, бироқ 256,35 км² ҳудуд устидан назоратини йўқотган. Натижада Россиянинг назоратидаги ҳудуд 80,81 км² га қисқарган. Бу баҳор охиридан бери Россия учун қайд этилган биринчи ойлик соф ҳудудий йўқотишдир.
ISW маълумотларига кўра, Россия июнь, июль ва август ойларида назоратидаги ҳудудни бироз кенгайтирган эди. Сентябрдаги кўрсаткич эса Россия президенти Владимир Путин келтирган рақамлардан кескин фарқ қилади. Путин «Валдай» клуби йиғилишида сентябрда Россия 1301 км² ҳудудни назоратга олганини ва қўшинлар олдинга силжиш суръати 2,5 баравар ошганини айтган.
Путин, шунингдек, Россия Донецк вилояти устидан тўлиқ назоратни Европа ва Украина прогноз қилганидан анча олдин ўрнатиши мумкинлигини билдирган.
@Geointriga_uz