Farg‘ona viloyati IIB boshqarma boshlig‘ining tegishli farmoyishiga asosan tashkil etilgan «Ayollar ishchi guruhi» tomonidan O‘zbekiston tumanida xotin-qizlar o‘rtasida huquqbuzarlik va jinoyatlarning oldini olishga qaratilgan profilaktik tadbirlar o‘tkazildi.

Tadbirlar doirasida xonadonbay o‘rganishlar olib borilib, xotin-qizlarning muammolari, oilaviy va ijtimoiy sharoitlari o‘rganildi. Aniqlangan muammolarni bartaraf etish yuzasidan tegishli amaliy choralar belgilandi.

Shuningdek, fuqarolarga kiberjinoyatlar va internet firibgarliklaridan himoyalanish, shaxsiy ma’lumotlarni begona shaxslardan asrash hamda internetdan xavfsiz foydalanish bo‘yicha tushuntirishlar berildi.

Ta’lim va tibbiyot muassasalarida qizlar hamda xotin-qizlar bilan uchrashuvlar tashkil etilib, ularning huquqiy savodxonligini oshirish, turli salbiy holatlarning oldini olish va xavfsiz muhitni ta’minlash masalalariga alohida e’tibor qaratildi.