Қувасой шаҳар ИИБ ҳузуридаги Қўриқлаш хизмати ходимлари томонидан шаҳар ҳудудида ҳуқуқбузарликларнинг олдини олишга қаратилган профилактик ўрганиш ишлари амалга оширилди.

Ўрганишлар давомида қўриқланаётган объектларда фаолият юритаётган ишчи-хизматчиларнинг телефон рақамлари “APK Қўриқчи” тизимига уланди.

Шу билан бирга, ишчи-хизматчилар иштирокида профилактик суҳбатлар ўтказилиб, ҳуқуқбузарлик ва жиноятларнинг олдини олиш, амалдаги қонунчилик талабларига риоя қилиш ҳамда хавфсизлик қоидаларига амал қилиш юзасидан зарур тушунтиришлар берилди.