Yakkasaroy tumani Ko‘hinur va Vohidov ko‘chalaridagi ko‘p yillik daraxtlarning tag qismi betonlab tashlangani tasvirlangan murojaat ijtimoiy tarmoqlarda tarqaldi.

Mazkur murojaat yuzasidan Toshkent shahar Ekologiya va iqlim o‘zgarishi bosh boshqarmasi Ekopolitsiyasining Yakkasaroy tumani bo‘limi xodimlari tomonidan hududga chiqib, holat o‘rganildi.

O‘rganish davomida aniqlangan holat mas’ullar tomonidan bartaraf etildi. Xususan, daraxtlarning tag qismidagi beton qoplamalar olib tashlanib, daraxtlarning ildiz atrofi ochiq holatga keltirildi.

Fuqarolardan yashil hududlar va ko‘p yillik daraxtlarni asrash, daraxtlarning ildiz atrofi va tanasiga zarar yetkazuvchi har qanday qurilish hamda obodonlashtirish ishlariga yo‘l qo‘ymaslik so‘raladi.
___
🍀 Toshkent shahar Ekologiya va iqlim o'zgarishi bosh boshqarmasi matbuot xizmati

📱Telegram 🌐Instagram 🌐Facebook