Korrupsiyaning oldini olish va xizmat intizomi masalalari muhokama qilindi

Bugun Toshkent shahar Ekologiya va iqlim o‘zgarishi bosh boshqarmasining korrupsiyaga qarshi kurashish bo‘yicha bosh mutaxassisi D.X. Taymuxamedov tomonidan Ekopolitsiyaning Olmazor tumani bo‘limi xodimlari ishtirokida korrupsiyaning oldini olish, xizmat intizomini mustahkamlash hamda xodimlar o‘rtasida yuksak odob-axloq tamoyillarini shakllantirishga qaratilgan davra suhbati tashkil etildi.

Davra suhbatida korrupsiyaning oldini olish va unga qarshi kurashish borasidagi amaldagi qonunchilik talablari, xususan, O‘zbekiston Respublikasining “Manfaatlar to‘qnashuvi to‘g‘risida”gi Qonuni hamda korrupsiyaning oldini olish va unga qarshi kurashish tizimini takomillashtirishga qaratilgan Prezident Farmonining mazmun-mohiyati tushuntirildi.

Shuningdek, xizmat faoliyatida korrupsiyaviy xavf-xatarlarning oldini olish, manfaatlar to‘qnashuviga yo‘l qo‘ymaslik, poraxo‘rlik va boshqa noqonuniy holatlarga nisbatan murosasiz munosabatda bo‘lish masalalariga alohida e’tibor qaratildi.

Suhbat davomida xodimlarga xizmat vazifalarini qonuniylik, halollik, xolislik va mas’uliyat tamoyillari asosida bajarish, xizmat intizomiga qat’iy rioya qilish hamda fuqarolar bilan muloqotda odob-axloq qoidalariga amal qilish yuzasidan tegishli tavsiyalar berildi.

Tadbir yakunida korrupsiyaning har qanday ko‘rinishiga yo‘l qo‘ymaslik, qonunbuzilishlarning oldini olish va xizmat faoliyatida halollik tamoyillariga qat’iy amal qilish har bir xodimning muhim vazifasi ekani ta’kidlandi.
———
🍀Toshkent shahar Ekologiya va iqlim o‘zgarishi bosh boshqarmasi matbuot xizmati

✅Telegram | 🌐Instagram | 🌐Facebook