Ijtimoiy tarmoqlarda Yunusobod tumanida, Niyozbek yo‘li va Aripova ko‘chalari chorrahasida joylashgan hududda daraxt kesilgani yuzasidan tarqalgan murojaat Toshkent shahar Ekologiya va iqlim o‘zgarishi bosh boshqarmasi Ekopolitsiyasining alohida maxsus topshiriqlar bo‘yicha tezkor guruhi inspektori hamda Yunusobod tumani bo’limi xodimi tomonidan o‘rganildi.

O‘rganish davomida mazkur hududda haqiqatdan ham 3 tup daraxtlarning noqonuniy kesilganligi o’z tasdig’ini topdi.

Aniqlangan holat yuzasidan huquqbuzarlarga nisbatan 80 520 000 so‘m o‘simlik dunyosiga yetkazilgan zarar undirish belgilandi.

Mazkur holat bo‘yicha yuridik shaxsga nisbatan O‘zbekiston Respublikasi Ma’muriy javobgarlik to‘g‘risidagi kodeksining 79-moddasi 1-qismi asosida ma’muriy bayonnoma rasmiylashtirildi.

Shuningdek, MJtKning 245-moddasi 3-qismiga muvofiq to‘plangan hujjatlari qonuniy chora ko‘rish uchun jinoyat ishlari bo‘yicha Yunusobod tuman sudiga yuborilmoqda.
——
🍀 Toshkent shahar Ekologiya va iqlim o‘zgarishi bosh boshqarmasi axborot xizmati

📱 Telegram | 🌐 Instagram | 🌐Facebook