MrBeast Тошкентга келмоқда

Туризм қўмитаси ҳамда Маданият ва санъатни ривожлантириш жамғармаси (ACDF) ҳамкорлигида дунёдаги энг машҳур YouTube блогер MrBeast Ўзбекистонга олиб келинмоқда.

Режага кўра, 9 октябрь куни Тошкентдаги Замонавий санъат марказида (CCA) MrBeast билан очиқ учрашув бўлиб ўтади. Тадбир доирасида меҳмонлар турли интерактив ўйинларда қатнашиши ва блогер билан жонли мулоқот қилиши кутилмоқда. Катта эҳтимол билан бу лойиҳа мамлакатнинг туристик жозибадорлигини ошириш ва хорижий аудитория эътиборини тортиш мақсадида қилинмоқда.

Учрашувда қатнашиш учун 18 ёшдан ошган бўлиш талаб этилади. Иштирокчилар хоҳловчилар орасидан фақат тасодифий танлов (рандом) асосида саралаб олинади ва уларга электрон почта орқали тасдиқ хати юборилади.

Рўйхатдан ўтиш 8 октябрга қадар давом этади. Жараён қанчалик шаффоф ўтишини ва MrBeast'нинг ташрифи Ўзбекистон туризмига қандай таъсир қилишини кузатамиз.

👉 Рўйхатдан ўтиш учун ҳавола