#tezkor

Toshkent shahar bojxona boshqarmasining “Keles” temir yo‘l chegara bojxona posti xodimlari tomonidan “Toshkent — Olmaota” yo‘nalishidagi yo‘lovchi poyezdida mamlakatimizdan chiqib ketayotgan fuqaroning qo‘l yuki bojxona nazoratidan o‘tkazildi.

Natijada yo‘lovchining qo'l yuklarida og‘zaki so‘rovda ma’lum qilinmagan hamda bojxona deklaratsiyasida ko‘rsatilmagan umumiy qiymati 214,4 million so‘mlik zargarlik buyumlari, madaniy boyliklar va medallar borligi ma’lum bo‘ldi.

Hozirda ushbu holat yuzasidan surishtiruv harakatlari davom ettirilmoqda.