#ona_tilim_faxrim

21-oktyabr – O‘zbek tili bayrami munosabati bilan Surxondaryo viloyati bojxona boshqarmasida tashkil etilgan “Ma’naviyat va ma’rifat burchagi”ning ochilish marosimi bo‘lib o‘tdi.

Mazkur burchakda Surxondaryo bojxonasining shakllanishi va taraqqiyot bosqichlari, turli yillarda sohaga rahbarlik qilgan shaxslar, bojxona postlarining kechagi va bugungi qiyofasi, amalga oshirilgan islohotlar hamda erishilgan yutuqlar tarixiy fotosuratlar va arxiv ma’lumotlari orqali aks ettirilgan.

Ayniqsa, umrining salmoqli qismini xizmatga bag‘ishlagan, o‘z mehnati va sadoqati bilan soha rivojiga munosib hissa qo‘shgan fidoyi xodimlarga bag‘ishlangan ko‘rgazmalar alohida ahamiyat kasb etadi.

Zero, bugungi yutuqlar zamirida Vatanimiz sarhadlarida kecha-yu kunduz xizmat qilgan, o‘z kasbiga sadoqatni hayotiy tamoyilga aylantirgan insonlarning mashaqqatli mehnati mujassam.