#Xavfsiz_mahalla

Sergeli tumani “Eshonbuloq” MFYda fuqarolarning murojaatlarini joyida oʻrganish va mavjud muammolarga amaliy yechim topish maqsadida sayyor uchrashuv oʻtkazildi

Unda Bojxona qoʻmitasi Surishtiruv va maʼmuriy amaliyot boshqarmasi boshligʻi A.Axlimirzayev, “Toshkent AERO” IBK boshligʻining birinchi oʻrinbosari Sh.Hamidov, mahalla faollari, tadbirkorlar va profilaktik eʼtibor talab qiladigan fuqarolar ishtirok etdi.

Ochiq muloqot davomida fuqarolarning ishga joylashish, umumiy ovqatlanish shoxobchasida spirtli ichimliklar savdosini taʼqiqlash, kadastr hujjatlarini rasmiylashtirish, bolalar maydonchasini obodonlashtirish va taʼmirlash, shuningdek, boshqa ijtimoiy-maishiy masalalarga oid murojaatlari tinglandi.

Koʻtarilgan masalalarning aksariyati joyida hal etildi. Qoʻshimcha oʻrganishni talab qilgan murojaatlar tegishli masʼullarga biriktirilib, ularning ijrosi nazoratga olindi.

Bundan tashqari, uchrashuv doirasida ijtimoiy koʻmakka muhtoj boʻlgan 3 nafar oila vakillariga Bojxona qoʻmitasi rahbariyati nomidan moddiy koʻmak topshirildi.

Shuningdek, masʼullar mahalla hududiga chiqqan holda hududdagi ijtimoiy-maishiy holat, mavjud muammolar hamda aholi uchun dolzarb masalalarni oʻrganishdi.