“Bojxona mergani” musobaqasi gʻoliblari aniqlandi

Sohada xizmat qilayotgan xodimlarning jangovar tayyorgarligini oshirish, ularning quroldan foydalanish boʻyicha amaliy koʻnikmalarini mustahkamlash maqsadida “Bojxona mergani” musobaqasi oʻtkazildi.

Musobaqada hududiy bojxona boshqarmalaridan saralab olingan xodimlar ishtirok etib, toʻpponcha va AK-74 avtomatidan otish boʻyicha bellashdilar. Ishtirokchilardan nafaqat nishonga aniq zarba berish, balki belgilangan vazifalarni tezkor va toʻgʻri bajarish ham talab etildi.

Bellashuvlar yakuniga koʻra, toʻpponchadan otish boʻyicha Toshkent shahar bojxona boshqarmasi xodimi A.Isxakov uchinchi, Fargʻona viloyati bojxona boshqarmasi xodimi A.Odilbekov ikkinchi, Bojxona qoʻmitasi xodimi Z.Umarov birinchi oʻrinni egalladi.

AK-74 avtomatidan otish boʻyicha esa Sirdaryo viloyati bojxona boshqarmasi xodimi M.Mahmudov esa uchinchi, Navoiy viloyati bojxona boshqarmasi xodimi J.Karimov ikkinchi, Toshkent viloyati bojxona boshqarmasi xodimi E.Abduraxmonov esa birinchi oʻrinni qayd etdi.

Musobaqaning umumjamoa natijalariga koʻra, eng yuqori ball toʻplagan Fargʻona viloyati bojxona boshqarmasi jamoasi “Bojxona mergani” kubogi sohibi boʻldi.

Tadbirning taqdirlash marosimida Bojxona qoʻmitasi Raisi oʻrinbosari O.Choriyev soʻzga chiqib, xodimlarni erishgan natijalari bilan tabrikladi. Shuningdek, bojxona organlari xodimlarining jangovar va jismoniy tayyorgarligini muntazam ravishda oshirib borish, bu boradagi amaliy mashgʻulotlarni yanada takomillashtirish muhimligini taʼkidladi.

Yakunda musobaqada yuqori natijalarni qayd etgan gʻolib va sovrindorlar diplom hamda esdalik sovgʻalar bilan taqdirlandi.