Yigʻilganlarga kun tartibidagi mavzular yuzasidan Bojxona qoʻmitasi boshqarma boshliqlari F.Olimjonov, J.Isomurodov hamda bosh inspektorlar Sh.Yusupov, F.Boltaboyevlar batafsil koʻrgazmali taqdimotlarni amalga oshirishdi.

Davra suhbati dasturidan oʻrin olgan mavzular tahlili shuni koʻrsatadiki, bugungi kunda bojxona sohasini raqamlashtirish, tartib-taomillarni soddalashtirish va huquqni qoʻllash amaliyotini takomillashtirish ustuvor vazifalardan hisoblanadi:

Muhokamalarning asosiy qismi Prezidentimizning 2026-yil 27-avgustdagi “Davlat bojxona xizmati organlari faoliyatini takomillashtirish va bojxona maʼmuriyatchiligiga zamonaviy yondashuvlarni joriy etish chora-tadbirlari toʻgʻrisida”gi PF-174-son Farmoni ijrosiga bagʻishlanadi. Bu bojxona nazoratini maqbullashtirish va ishbilarmonlik muhitini yanada yaxshilashda muhim qadam hisoblanadi.

Tranzit deklaratsiyalarini rasmiylashtirishda Xavfni boshqarish tizimi tomonidan aniqlangan huquqbuzarlik holatlarida tadbirkorlar va brokerlar uchun huquqiy himoyani taʼminlash, tovarlar chiqarib yuborilgandan keyingi nazorat va bojxona auditini oʻtkazish, maishiy texnikalarning energosamaradorlik sinfini aniqlash hamda sertifikatsiyalash jarayonlarini soddalashtirish kabi masalalar muhokamalar markazida boʻldi.

Tadbir yakunida ishtirokchilarni qiziqtirgan savollarga masʼul mutaxassislar tomonidan batafsil javoblar berildi.