#giyohvandlikka_qarshi_kurash

Toʻrtkoʻl tumanidagi xonadonlardan “geroin” va “opiy” giyohvandlik vositalari topildi

Qoraqalpogʻiston respublikasi bojxona boshqarmasi kontrabandaga qarshi kurashish boʻlimi xodimlari hamda davlat xavfsizlik xizmati, ichki ishlar va milliy gvardiya xodimlari bilan hamkorlikda toʻrtkoʻl tumanida tezkor tadbir oʻtkazildi.

Tadbir davomida tuman hududida yashovchi fuqaroning xonadonidan bir dona gugurt qutisiga joylangan, ogʻirligi 1,21 gramm “geroin” giyohvandlik vositasi aniqlandi.

Mazkur hududda oʻtkazilgan yana bir holatda esa boshqa bir shaxsning yashash xonadonidan ogʻirligi 82,3 gramm “opiy” giyohvandlik vositasi topildi.

Ushbu narkotik moddalar ashyoviy dalil sifatida rasmiylashtirib olindi va holatlar yuzasidan tergovga qadar tekshiruv harakatlari olib borilmoqda.