🍎🏃📚✏️ راهدانه ندیر
سولدوزدا ناغادئی- محمدیار و اوْرادان سوْیوق بولاغا و اورمویا گئدن یوْلدا بیر کند واردیر رسمی یازیلاردا «راهدانه» یازیلیر ائل ایچینده آغیزلاردا «ایره خته هنه» یوخسا جاوانلار ایچینده «ره خته هنه» دئییلیر.
بوٌتون فارسجا یازیلان فرهنگلرده = فرهنگ لغاتلاردا داها توٌرکجه سؤزلوکلرده آختاریلسا راهدانه کلمه سینه آنلام تاپیلماز. بونون آنلامی یعنی پهلوی چاغی آد قوْیولان «راهدانه» بیر آنلامسیز کلمه دیر. بونا اوْخشار کلمه لر : راهدان، راهدار، رهدان فرهنگلرده تاپیلار اوْکی تاپیلماز و بیله سینه آنلام یازیلماز ائله بو راهدانه سؤزجوکودیر.
راه = طریق/ روش/ یوْل.
دانه = دانه به بخشی از گیاه گفته می‌شود که پس از رشد و رسیدن، می‌تواند گیاه جدیدی را تولید کند.
باشقا :
دانه یا غله (به انگلیسی: Grain ) یک بذر کوچک، سخت، خشک است که می‌تواند دارای پوش‌برگ و بخش میوه‌ای یا بدون آن‌ها باشد و برای خوراک انسانی یا جانوران، کشت می‌شود.
ایندی بو بیرلشیم سؤزو هانسی بیر یوْلا آپارسان هئچ بیر آنلام وئرمیر.
...
منیم کیمی یاشلیلاردان سوْروشولسا بو کندین آدی ندیر دئیه جک «ایراختَهنه» یوخسا «ایره خته هنه». آزجا یاشلیلاردان سوْروشولسا دئیه جکلر رَختَهنه(ره خته هنه). بئله لیکله بو کندین دوْغرو آدی و آغیزلاردا دئییلن «ایره خته هنه» اوْلموش. باشقا سؤز یوخ.
«ایره خته هنه» ندیر :
«ایره خته هنه» ایراق تهنه نین آغیزلاردا دئییلنی دیر.ایراقتَهنه ایکی بؤلومدن اوْلوشوبدور : ایراق +تهنه
ایراق بوٌتونلوکده بیر آنلامی واردیر «اوزاق » = یاخین اوْلمایان = اوْلدوغوموز یئره گؤره اوزاقدا اوْلان.
نمنه اوزاقدادیر؟
سوْنراکی کلمه اوْ اوزاقدا اوْلانی گؤرسه دیر > تهنه. یعنی بیر تهنه یوخسا تهنه لر وارایمیش باشقا تهنه لره گؤره اوزاقدایمیش.
تهنه ندیر :
تَکنه/تهنه : آد. 1- خمیر دوٌزه لتمک اوٌچون ایچی اوْیولان وه آغاجدان دوٌزه لن بیر قاب. تهنه. الله آدامین تهنه-سینده چؤره یینی بیر ائله مه سین. 2- چوخورلار اوٌستوندن یوْخسا آرخین بو تاییندان اوْ تایینا سو آپارماق اوْچون ایچی اوْیولموش وه اوُزونسوْو یوغون آغاج. تهنه. 3- قاییق. ناو. 4- جوغ. قاتمانلی(لایه لی/رسوبی) قایالاردا ایچَری دوْغرو چوخور. اینه ج. فا : ناودیس.
آچیقلاما : ۷۰ ایل بوندان اؤنجه یه قاییتساق لوله چکمه، بوری ایله بیر یئردن باشقا یئره سو آپارماق یوْخ ایدی. آرخ ایله سولاری بیر یئردن باشقا یئره آخیدیردیلار. سولدوزون هر بیر نوقطاسیندا آرخ وارایدی. سولدوزون آرخلاری هامیسی «گادارچایی»ندان سوآلیردیلار. ایندی ده بعضی یئرلرده بو آرخلارین قوْبو آددا نیشانه لری واردیر. دئمک اوْلار ایراقته هنه(ایره خته هنه) یه سویون آخیب گئتمه یی اوٌچون آرخ گرکلی ایمیش یا بو آرخ باشقا آرخین اوٌستوندن گئتمه لی ایمیش یادا بو کنددن باشقا کنده سو آپارماق اوٌچون بیر آراج لازیم ایمیش . اوْدا تهنه یعنی ایچی اوْیولموش بیر آغاج ایله بو سویو آپاریرمیشلار. هابئله بیر (ده ییرمان)ی ایشلتمک اوٌچون آرخلارین اوٌستونه تهنه اوزادیب سویو آخیدیب ده ییرمانا یئتیریرمیشلر.
╭•••••••••••••••••••••• ••••••••••╮
╰➤
@chgrmn #تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
