خوجا ساغلام

🍎🏃📚✏️
 
دوٌزگون یازاق دوٌزگون دانیشاق.
❌سیزین سر و سامان تاپماغینیز نهایت آرزومدور.
✅  ان/لاپ چوْخ ایسته دیییم سیزین ایشلرینیزین دوٌزلمه سی دیر...
✅ ان/لاپ چوْخ ایسته دیییم سیزین ایشلرینیزین یوْلونا گئتمه سی/ دیر... 
✅ ان/لاپ چوْخ ایسته دیییم سیزین ایشلرینیزین یئربه یئر اوْلماسی دیر...
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

📚🖌📝



بیر سؤزجوک 📝


ایشارتی،  işartı


اوزاقدان گؤرونن ایشیق نقطه‌سی، ایشیق اوجو.
مجازی آنلامدا بیر شئیین علامتی، خبرچیسی، بیر اولایین ایلکین گؤستریجیسی.
"پاییز گلیب، یاواش یاواش هاوالار سویوقلاشیر، خسته‌لیک‌لرین یاواش یاواش ایشارتی‌لاری گؤرونور."
ایشارماق (خفیف ایشیلداماق، ایشیق وئرمک)
ایشارماق فعلیندن، "ایشارانتی" و دانیشیقدا "ایشارتی" دئییریک.

ایشیلتی ایله فرقلی‌دیر‌.
ایشیلتی، işıltl
خفیف ایشیق.
بعضا ایشارتی ، ایشیلتی آنلامیندا دا ایشله‌نیر.

تورکجه#
سؤزجوک#




📚📝🌹

🍎🏃📚✏️
 

#قیزیلباشلارین کؤکونه داها تاریخسل اوینارلارینا قیسا باخیش.    
 
(بیرینجی بؤلوم)
 
قیزیلباش اوروغونون بؤیوک دده لری #شیخ_صفی‌_الدین_اردبیلی#اوْغوز توٌرکلریندن ایدی. بو اوروغون ایلک یوردلاری تورکوستاندا اوْلان #بلخ شهری(ایندیکی افغانیستانین قوزئیی) ایدی.
بو توٌرک ائلی  #سلجوقلار چاغی ایرانا کؤچدو  ایلک دؤنه  گیلانین «رنگین» بؤلگه سینده  سوْنرالار اردبیلده اوْتراق ائتدیلر.
 
بو توٌرک ائلی  #ایلخانلیلارین بیرلشیکلریندن اوْلوب چنگیزخان ایمپراتورونا وافالی ایدیلار.
بو ائل ایچیندن شیخ زاهد گیلانی و اوْنون زهد طریقتی، سوْنرالار شیخ صفی‌الدین و اوْنون صوفیه طریقتی  ایلخانیلر طرفیندن سایقیلانیردیلار. (شیخ زاهد گیلانی تورکوستانین بلخ تورکلریندن ایدی کی سلجوقلار چاغی گیلانا کؤچوب بو بؤلگه ده اوتراق ائتمیشدی). گیلانی سؤزو یالنیز گیلان بؤلگه سینده قالدیغینا گؤره ایدی. چوْخلو قایناقلار شیخ زاهد و شیخ صفی الدین ی بیر ائلدن بیلیرلر.
 شیخ صفی الدین  ابوسعید بهادرخان و اولجایتوخان چاغی یاشاییردی.
 
تاریخ، ابوسعید بهادرخان ین نئچه یوْل شیخ صفی الدینین گؤروشونه گئتمه یین یازیر. سلطان محمد اولجایتوخان دا شیخ صفی الدینه سایقی گؤرستمیشدی. نئجه کی سولطانیه تیکینتیسی قورتولاندان سونرا آچیلیشدا شیخ صفی الدین ده قوناقلیغا چاغیریلمیشدی.
 
  شیخ صفی الدین اوروغو #تیموریلر ایمپراتورلوغو چاغی  سایقیلار گؤرموشدولر. امیر تئیمور بو اوروغا اؤزل سایقی گؤرسه دیردی. نئجه کی انادولویا گئدن چاغی اوْغوز و قیبچاق ائللریندن چوْخوسونو شیخ صفی اوروغو ایله بیرلشدیردی.
ائله بو چاغدا عراق و سوریه توٌرکلریندن نئچه تاخیمی صفی الدین اوروغونا قاتیشدیلار.
صفی الدین اوروغو توٌرک #آق_قویونلو دؤولتینین بیرلشیک(متحد)لریندن ایدی.  سوْنرالار #آق_قویونلولار قیزیلباش بیرلشیکینه قاتیشیب  قیزیلباش بیرلینین تملی قورولدو.
قیزیلباش بیرلشیگینده ۹ ائل وارایدی :
 
۱- اوستاجلی
۲- شاملی
۳- اووشار
۴- قاجار
۵- باهارلی
۶- تکه‌لو
۷- ذوالقدر
۸- روملو
۹- تالیش
(تالیش ائلی تورک ائللریندن بیری ایدی کی ایلخانلیلار چاغی تورکوستاندان مازندران - گیلانا گلیب و او بؤلگه لری اؤزلرینه اویلاق ائتدیلر و یئرلی تالیش ده اولانلار ایله قاتیشیب ایندیکی تالیشده یاشایانلار اونلارین دؤلوندندیلر)
.
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
آغی آغاجی :
 
 آد. اوْت. یارپاقلاری سؤیود آغاجینا بنزه ین،
 
 گؤزه ل و خوْشا گلیم آغ یوْخسا یاناغی بوْیادا چیچکلری اوْلان،
 
قیشدا یارپاغینی تؤکمه ین، دریا قیراقلاریندا یاشایان،
 
حکیملیکده اوٌرک، آسم، دیابت، چئشیتلی یارا  سایرولیقلارینا،  
 
فایدالی اوْلان  بیر زهرلی آغاججیق.
 
باشقا آدی : سؤیود گولو. سؤیودوگوٌل.
 
عر. زققوم.
 
فا : خرزهره.
 
لاتین :  nerium oleander. 
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
83-جو درس
 
فعل (12)
ایجبار نوع فعللر:
دیلیمیزده ائله فعل نوعو واردير كى, اوْندا ايش بير نفرين امرى, خواهيشى, مصلحتى و يا تدبيرى ايله ايكينجى و يا ايكينجى شخصين يوْلو ايله اوٌچونجو شخص طرفيندن ايجرا اوْلور.
بئله فعللره ايجبار نوْعو دئييلير. بو فعللر يالنيز تأثيرلى فعللردن دوٌزلر و تأثيرلى ده قالار. ايجبار نوع فعللرينى دوٌزلتمك اوٌچون, تأثيرسيز فعللردن تأثيرلى فعللر دوٌزلدن اکلردن
يارارلانيريق: اوْخشا > اوْخشات > اوْخشاتدير, اوْخو > اوْخوت > اوْخوتدور, ...
دئييلمه ليدير كى, "بيلديرمك" فعلینین ايجبار نوعو اوْلماسا دا, ايشين ايكينجى و اوٌچونجو ايجراچيسى اوْلماسا دا, اوْنون "بيلمك" فعليندن فرقى واردير. بو فرق اوْندان عيبارتدير كى, "بيلمك" فعلى يالنيز "نه يى؟" سوالينا, "بيلديرمك" فعلى هم "نه يى؟" هم ده "كيمه" سواللارينا جاواب وئرير.
بیلدیردیم. نه یی؟ - سیرری. کیمه؟ - دوستوما.
دئمك ايجبار نوْعو اکی قبول ائتميش "بيلديرمك" فعلی فاعيل, مستقيم تامامليق و غير مستقيم تامامليق ايسته يير, آنجاق اوْ فعل ايكينجى ايش گؤرن ايسته مير و اوْندا ايجبار نوعو آنلاييشى يوْخدور.
آمما ميثال اوٌچون "يازديرماق" فعلينده يوخاريداكى آنلاييشدان علاوه ايكينجى ايش گؤرن ده واردير, يعنی فعل ايجبار نوعونداندير. "يازديرديم" فعلى نلر بيلديرير؟ بو فعلده بو آنلاييشلار واردير:
1. ايشى گؤرن (فاعيل). كيم يازديردى؟ من يازديرديم.
2. مستقيم تامامليق. نه يى؟ نه يى يازديرديم؟ مكتوبو يازديرديم.
3. غير مستقيم تامامليق. كيمه؟ كيمه يازديرديم؟ آتاما يازديرديم.
4. ايكينجى غير مستقيم تامامليق و يا اصيل ايش گؤرن, اصيل فاعيل كى, "كيمه" سوالينا جاواب وئرير. مكتوبو دوْستوما يازديرديم, يعنى دوْستومو مجبور ائتديم كى, مكتوبومو يازسين.
قایناق : سس ، صرف کیتابی پروفسور زهتابی-تخلیص ائدن ، سارای خانیم
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

!!!


#Bütöv_Azərbaycan
💙
❤️
💚

یئییتمه لیلرین دوکتورو، یوْلداشی، سؤزجوسو.... دوکتور محمدحسین مبین

🍎🏃📚✏️
 
یئییتمه لیلرین(جذامیلرین) آتاسی، یوْلداشێ، شاعری و سؤزجۆسو داها دوکتورو
 
خزل آیینین آلتیسی دکتر محمدحسین مبین یوخسا شیمشک شاعیرینین
ایل دؤنومودور. ۶۲ ایل بیر امک داشییان اینسانی اوچ-دؤرد سطیرلیک
یازاناقدا یاد ائله مک نئجه اولا بیلر؟  دا اونو بیلمیرم.
آنجاق هیچ اوْلماسا، یئنه ده آذربایجانێن اوْ ابدی افتخارینی آنیماق بیزیم بوْرجوموزدور بوگۆن.
 
دوکتور مبین یئییتمه سایرولارین تکجه دوکتورو دگیلدی
اوْنلارین آتاسی، یوْلداشێ، شاعری و سؤزجۆسو ایدی.
اوْ هر فرصتدن فایدالانێب یئییتمه لیلرین  دردینی دیل‌لره سالێردی.
 اوْ 1343 ایلین قێشیندا آدی اؤلمز «صمد بهرنگی»‌نی
اؤزۆ ایله باباباغی نا آپاردێ و صمد نئچه گئجه – گۆندوز
 اوْردا جذامی‌لرله قالێب، گؤردۆکلرینی و مریض‌لرین
دردلرینی قلمه آلدی. صمدین یازێلاری اوْن نمره‌ده کیهان گونده لیگینده یایێلدی.
 
شاعر شیمشک اوْتوز ایل تمام هر ایل دوْندوران(بهمن)‌ین
سکگیزینده «حسن دمیرچی»نی باباباغێ نا  چاغێریردی
و حسن دمیرچی‌نین تاری و اوخوجولارین سسی
اوْ مریض‌لری شنلندیردی.
اوْ اؤلمز انسان، بعضی گئجه‌لری سحره‌دک خسته‌لرین
باشی اۆسته اوْتوروب، اوْنلارا شعر قوْشموشدو:
 
دۆنیا اۇنوتسا دا منی
من سنی آتمارام بالا
یۇخلاسا دۆنیانی گؤزۇ
بیر گئجه یاتمارام بالا.
 
روحو شاد آدی دیللرده
 
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
آغ قلمه :
 
 ۱۵ مئتیر اوجالیغی، یارپاغین تؤکن،
 
بوزقیرلی /کوٌوی یئرلی (کویری) آب و هاوا
 
و گونشلیکده چوخ یئیین دیرچلن،
 
شورلو و سوسوز یئرلره اویقون،
 
حکیملیکده قیزدیرمایا، آغرییا فایدالی اولان آغاج.
 
فا : پدّه.
 
لاتین : Populus euphratica.
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
ایستمیرم یار آغلاسین چال تاری قوْی تار آغلاسین
گوٌل اوْیناسین خار آغلاسین، بوْغاز گوٌلسون دار آغلاسین
 
قوْی یئره غم پیاله سین، سیل گؤزونون شلاله سین
 آل گونشین حواله سین، شاخ قارا قوْی قار آغلاسین
 
یار نه دن آغلاسین گرک؟ بوْیون بوٌکولسون آی فلک
 دوْیونجا قوْیمادین گوٌله ک، سیخ ناری قوْی نار آغلاسین
 
خزان یئلی اَسَن زمان، شخته امان کَسه ن زمان
یار یاریلان کوٌسه ن زمان، کیمسه کیمیم وار آغلاسین
 
توْزدو دوماندی فیرتانا، اوْد یاغیلیب گوٌلوستانا
دؤنده ر اوٌزون شبستانا، ساغره یالوار آغلاسین
 
صوٌبحه تیکیلدی گؤزلریم، داغلاری آشدی سؤزلریم
گیزلین آلوْودو کؤزلریم، نئی اؤلدو نیزار آغلاسین
 
ساقی گتیر قدح لرین، سرخوْش اوْلاق دَرین دَرین
سئوگی توتا کینین یئرین، کین اؤزو زار- زار آغلاسین
 
دریالارا اوزان آراز، جوم درینه قالما دایاز
مرکّب اول سؤزلری یاز، داغ دا بولاق لار آغلاسین
 
✍️محمودقبه‌زرین(آراز) (https://t.me/Orhsoz)
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش

📚✨سیزلردن گلن


تورکلرین پالتار آنلامینی داشییان ایلک سؤزلری "توْن/دوْن" اولموشدور. اونلار دوْنون اوستونده گئیینن پالتارا "تاش‌دوْن/دیش‌دوْن" دئمیشلر. آلت‌پالتارا ایسه "ایچ‌توْن" دئییلیردی... تورکلرده بوتون گئییم نوعلرینه "کذکوُ/گئیگو" دئییلیبدیر. اونلارین گؤزل‌لیگی سئویب، اونا وورغون اولدوقلاری آیدیندیر.

("آذربایجان گئییم‌لری" کتابیندان)

📸شکل: دَیرلی امکداشیمیز، خانیم سلیمی‌نسب

تورڪ اوغلویام❤️🌹
محسن عبداللهے نیری🎤

🕊کانال شاعرانه های فرزندان درگز🕊

@abdollgheibishaeraney

🍎🏃📚✏️
 
قوتادغوبیلیک (۱۱جی بؤلوم)
 
۸۹- آی دین ایززی  دؤولتکا ناصر معین/آی میللتکا تاج آی شریعتکا دین        
ائی دینین عزتی ائی دؤولتین یاریجیسی،  ائی میللتین تاجی  ائی شریعتین قوللوقچوسو
 
۹۰- بایات بئردی بارچا تیله میش تیلَک/ بایات اوخ بوْیو بئرسو آرقا یؤلَک       
تانری بوٌتون دیلکلرینی وئردی، بوندان سوْنرا دا تانری سنه آرخا اوْلسون
 
۹۱- ائی دوٌنیا جمالی اولوغلوککا کؤرک/ ائی موٌلکتکا نور ائی یاییغ قوتقا اوٌرک
ائی دونیا ایله اولولوغون زینتی، ائی سلطنتین نورو، ائی دؤنَک خویلو سعادتین باغینی الینده توتان 
 
۹۲- بوْلو بئردی ائورن ایلیگ بئردی تاخت/ توتا بئرسوٌ تانگری بو تاخت بیله باخت       
ائورن سنه باشقانلیق وئردی تاخت وئردی، تانری بو تاخت ایله باختی سوٌرکلی ائتسین
 
۹۳- آجون تیندی اوْرناپ بو خاقان اؤزه/ آنین ایتدی  دونیا تانگوکلار توٌزه        
بو خاقان گلینجه دونیا دینجه لدی، بوندان دوْلایی دونیا اوْنا شاهانه هدیه لر وئردی
 
۹۴- اسیردی کلیگلی قالیق قوشلاری/ قایو رایی هیندی قایو قایساری  
عصیر بوْیو گؤی ایله اوچوب گلن   قوشلار، کیمی رایی-هیندی کیمی قئیصری
 
۹۵- اؤگر آتین اوٌندپ اوٌنین توٌرتوٌشوٌب/ کووه نج بیرله آوینور سئوینجکه توشوپ          
اوْخویاراق اوْنون آدینی آنیرلار(خاطیرلادیرلار)، سئوینج و آوونج ایله اوْنو اؤگورلر(مدح)
 
۹۶- بو تؤرلوگ چیچک یئرده مونچا بدیز/ یازی تاغ قیر اوْپری یاشیل کؤک منگیز         
یئرده مین بیر چیچک مین بیر منظره، داغ داش یازی یاشیل گؤگ بویالار ایله اؤرتولوبلر
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
دؤزوملوک، دایانیقلیق، یئرینده دوٌز دورماقلیق اوْرتادا اوْلسا چوْخلو چاغ گوٌج بیزی سیندیرا بیلمز.
 
باخین! یومورتالار بیر توْن(۱۰۰۰ کیلو)، باسینجین آلتیندا دایاندیلار آنجاق سینمادیلار چوٌن ٌ دوٌز دورموشدولار.
 
یاشامدا  گوٌجلولر دبیللی دایانانمازلار چوْخلو چاغ  دایانیب قالانلار اوْنلاردیلار کی : دوٌز دورماغی و باسینجین بؤلوشدورمه یینی اؤیره نیبدیلر.
 
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
82-جى درس
 
فعل (11)
قارشيليق (متقابل) نوع:
اگر فعلين معناسى ائله اوْلسا. كى, ايشى ايكى شخص قارشیلیقلی شكيلده گؤرسه لر, بئله فعللره قارشيليق نوعو دئييلير. مثلا "يازيشماق" فعلينده ايكى نفر قارشيليقلى شكيلده بيرى- بيرينه مكتوب يازار. بورادا هر ايكى نفر هم ايشى گؤرن, هم ده ايشين نتيجه سينه معروض قالانديرلار. قارشيليق نوعو فعللرينى دوٌزلتمك اوٌچون فعللرين دؤرد چئشيدلى "يش" شكيلچپيلرينى آرتيرارلار: گيريشدى, يازيشدى, ووروشدو, گؤروشدو, ...
فعلين كؤكو سسلى ايله بيتسه, شكيلچينين سسلى حرفى دوٌشر: بولاشدى, دالاشدى, ...
بو فعللرى "يش 4" شكيلچيسى ايله دوٌزلن فعلى ايسيملرله قاريشديرماماق لازيمدير: آليش, ساتيش, ...
بونلارى بيرى بيريندن آييرماق اوٌچون فعللره شخص سونلوقلارى, ايسيملره حال و منسوبيت شكيلچيلرى آرتيرماق اولار.
دئييلمه ليدير كى بو اک و يا اوْنا ياخين اکله بيتن فعللرين هاميسى قارشيليقلى نوع اوْلمور. بونا گؤره بو فعللرين آشاغيداكى دسته لرى وار:
1. موستقيل معناسى اوْلان ساده فعل كؤكلرينه "يش 4", "آش 2" و "ش" شكيلچيلرينى آرتيرماقلا دوٌزلن فعللر, قارشیلیقلی فعللردير: آتيش, يازيش, دالاش, سئويش, ...
2. "لاش-لش" اکلريله دوٌزلن فعللر مضمونجا قارشيليق معنا ايفاده ائدير: سؤزلش, صؤحبت لش, داشلاش, ...
3. وقتيله موستقيل معناسى اوْلان, آنجاق معاصير ديليميزده موستقيل معنايا ماليك اوْلمايان سؤز كؤكلرينه "يش 4" آرتيرماقلا قارشيليقلى نوع فعللر يارانير: باريش, ياريش, گوٌلش, ...
بو فعللر بو گوٌنكو ديليميزده قارشيليق فعل ساييلماقدادير, آنجاق اوْنلارى بيرينجى نوع كيمى, شكيلچى و كؤكه آييرماق اوْلماز.
4. ديليميزده "ش" حرفيله بيتن, يعنى شكيلجه قارشيليق فعله بنزه ين بير سيرا فعللر ده واردير كى, اوْنلاردا هئچ بير قارشيليق مضمون يوخدور. بونلارين اؤزلرى قارشيليق مضمونو وئرمه ديگى كيمى., اوْنلارا قارشيليق شكيلچيلرينى ده قوْشماق اوْلماز: آليش, قاتيش, سوٌروش, دوْلاش.
5. ديليميزده بير سيرا ائله فعللر واردير كى, اوْنلاردا قارشيليق اکلرى واردير. آنجاق اوْنلارى كؤك و شكيلچى يه آييرديقلا كؤكلرى تاماميله باشقا معنايا ماليك اوْلور و فعلين موجود معناسيله هئچ بير ايلگيسى اوْلمور. بو فعللر شكيلجه قارشيليق فعللرينه بنزه سه لرده, معناجا قارشيليقلى نوع ايله هئچ بير ايلگيسى يوْخدور: ياپيش, قاريش, آليش, ...
قارشيليقلى فعللر اساسا تأثيرلى فعللردن دوٌزه لير و نوع اکی آرتيراندان سوْنرا, مفعول طلب ائتمه ديكلرى اوٌچون, تأثيرسيز اوْلورلار. بو فعللرى يئنيدن تأثيرلى ائتمك اوٌچون اونلارا "دير 4" شكيلچيسينى آرتيرماق لازيمدير: باريشدير, ووروشدور, ...
قایناق : سس ، صرف کیتابی پروفسور زهتابی-تخلیص ائدن ، سارای خانیم
 
طبرستان تاوار/تابار سؤزوندندیر.  تاوارلار آلتی قبیله نین بیری اولان و کوروشون باشین کسن طایفا.
دیلم  تورک ایدیلر مینورسکی ده دیلملری خزرلردن بیلیبدیر.
 
 
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
گون آیدین
 
🔥    گوٌنگن güngən =(تقویم)
 
    بوگوٌن   سوت  گوٌنوٌ🌈
 
 ☀️ خزل آیی   ۵   140۵ جلالی گۆنش قوْیون ایلی☀️ 
 
  🌙 ربیع الآخر      ۱۵    144۸🌙
 
🌲   ائیلول     ۲۷  202۶ 🌲
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️

⭕️ ۷ اؤلکه‌نین کـۆلتور و توریزم باخانلارێـنا شمس تبریزی تـۆربه‌سی آچێـلیش تـؤره‌نینه قاتـێـلماغا رسمی دعوت گـؤنده‌ریلدی.

✍️ حاضرلایان: #گۆنش_امانی

🔷 باتی آذربایجان استانداری‌نێـن شمس تبریز تـۆربه‌سی‌نین آچێـلیش تـۆره‌نی‌نین ان گـؤزل شکلیده گئچیرلمه‌سینه تأکید ائتمک.

رضا رحمانی باتی آذربایجان استانداری، شمس تبریزی‌نین عرفان و ادب ساحه‌سینده، بین‌المللی یئرینه اشاره ائده‌رک، بو اوْلایدا اؤلکه دێـشی و ایچ قوْناقلارێـن گئنیش حضورونون اؤنمینه تأکید ائتدی. رحمانی بو اوْلایێـن مهر آیی‌نێـن اوْرتالارێـندا گئچیرلمه‌سینی بیان ائده‌رک آرتـێـردی: بو اوجا عارف‌ین شخصیتینه لاییق بیر مراسم گئچیرلمه‌سی گره‌کدیر کی، ایران‌نێـن کـۆلتورل و ادبی چێخارلاری ان گـؤزل شکیلده بین‌المللی عرصه‌لرده تانێـنسین. او همچنین «اینوا» فئستیوالی‌نێـن اوغورلو گئچیرلمه‌سی و اؤلکه دیشی و ایچی عالی رتبه قوْناقلاری بو اوْلایدا حضورونا اشاره ائده‌رک، بو تجربه‌لردن شمس تبریزی تـۆربه آچێـلیش تـؤره‌نینده فایدالانماغی وورقولایاراق، کمیته‌لر و دستگاه‌لاردان بو اوْلایی اوْلدوقجا گـؤزل و لاییق شکیلده گئچیریلمه‌سینه دقیق برنامه‌لر دۆزنلمه‌ڲی ایسته‌دی.

باتی آذربایجان استانداری، بو اوْلایێـن آماجێـنی اجتماعی سرمایه‌لری چوْخالتماق و اؤلکه‌ده اوْلوملو و خوش اوْلایلار یوْلا سالماق عنوان ائدیب، آرتـێـردی: بـۆتون دستگاه‌لار اؤز گـؤره‌و و ایشلرینی جدیت ایله ان گـؤزل شکیلده یئرینه گتیرمه‌لیدیلر.

رحمانی همچنین پایتخت‌ و اؤلکه‌نین باشقا یئرلرینده، شمس تبریزی‌نین تـۆربه‌سینی تانـێـتدیرماق اۆچون اوْلان رئکلام ظرفیت‌لرینه تأکید ائده‌رک دئدی: بو اوْلای اؤلکه‌نین گـؤرکملی شخصیتلرینی تانـێـتدیرماق، ایران فرهنگی و باتی آذربایجان کـۆلتورل و توریزم ظرفیتلرینی تانـێـتدیرماغا بیر فرصت دیر. او سوْنوندا آرتـێـردی: بو تـؤره‌نی ان گـؤزل شکیلده گئچرمکله، ایران‌ین فرهنگی، عرفانی و ادبی ظرفیتلرینی گئچمیشدن داها آرتـێـق دۆنیایا تانـێـتدیرماق اوْلار و کـۆلتور و توریزم ساحه‌لرینده توریست‌لرین حضورونا خوی و باتی آذربایجاندا زمینه یاراتماق اوْلار.

🔻 قایناق: خبر آنلاین. کد مطلب 2276385

╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️

قوتادغو بیلیک (۱۰جو بؤلوم)

۸۰- قالیق قاشی توٌغدی کؤزی یاش ساچار/ چیچک یازدی یوٌز کؤر کوٌلر قاتغورار
گؤگ قاشینی چاتدی گؤزوندن یاش سپه لر، چیچک اوٌزونو آچدی باخ گوٌلمکدن کئچینیر

۸۱- بو اوٌدته آجون اؤز اؤزونه باقیب/ کوٌوه نیب سئوینیب ائدیگه باقیب
بو اوٌد (لحظه) ده دونیا اؤز اؤزونه باخدی، گوٌوه نیب سئوینیب خزینه یه باخدی

۸۲- ائلئتوٌ مانگا آچدی دونیا سؤزون/ آیو کؤرمه دینگموٌ
بو خاقان اوٌزون گؤزو منه دَیَنده دونیا دانیشیغا باشلادی: سن بو خاقانین اوٌزونو گؤرمه دینمی؟

۸۳- اودیر ائردینگ ائرسه تور آچ ائمدی کؤز/ ائشیتمه دینگ ائرسه ائشیت منده سؤز
یوخودایدینسا ایندی قالخ گؤزونو آچ، ائشیتمه میش اوْلساندا سؤزومو دینله

۸۴- توٌمن ییلدا بئرو تول ائردیم تولاس/ بو تول تونی سوچلوپ اوٌرونگ کئدتیم آس
مین ایلدن بری دول ایدیم سوْلموشدوم/ ایندی دوللوق پالتارین چیخاریب گلین تک آغ پالتار گئیدیم

۸۵- بزه ندیم بگیم بوْلدی خاقان اولوغ/ اؤتوٌندوٌم مونو قوْلسا جانیم یولوغ
بونا گؤره کی اولو خاقان ائشیم اوْلدو بزه ندیم / دیله ییم بودور ایسترسه جانیم فدا اوْلسون

۸۶- بولیت کؤکره دی اوردی نوبت توغی/ یاشین یاشاندی تارتتی خاقان تیغی
بولوت گوٌرولده دی مراسیم داووولونو ووردی، شیمشک چاخدی خاقانین توغونو چکدی

۸۷- بیری قیندا چیقدی سونوپ ال توتار/بیری کوٌسی چاوی آژونکا یئتر
بیری قینیندان چیخینجا اوْنا اؤلکه لر وئرر، بیری آد-سانینی دونیایا یایار

۸۸- آجون توتدی تاوغاچ اولوغ بوغرا خان/ قوتادسو آتی بئرسو ایکی جهان
بؤیوک تاوغاج(جذاب)بوغراخان دونیایا حاکیم اولدو، آدی قوتلو و ایکی دونیادا عزیز اولسون



╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️
 
گون آیدین
 
🔥    گوٌنگن güngən =(تقویم)
 
    بوگوٌن   یئل  گوٌنوٌ🌈
 
 ☀️ خزل آیی   ۴   140۵ جلالی گۆنش قوْیون ایلی☀️ 
 
  🌙 ربیع الآخر      ۱۴    144۸🌙
 
🌲   ائیلول     ۲۶  202۶ 🌲
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯

🍎🏃📚✏️

قاراباتاق : آد. وحش. بالیقلا بسله نن،

دیمدییی اوزون، سیوری، قارماغا بنزر،

قارا توٌکلو بیر دنیز قوشو.

باشقا آدی : قارا قاز. قارا باتداق.

فا : باکلانیان.

لاتین : Phalacrocoracidae.

╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯