🍎🏃📚✏️
72-جى درس
فعل (1)
ايش, حال و حركت بيلديرن سؤزلره فعل دئييلير و ديليميزين اوْلان ان اؤنملى نيطق حيصه لريندن دير.
آنا ديليميزين فعللرى قورولوش, نوع, زنگين ليك و قدرت باخيميندان دونيا ديللرينين ان گؤركمليلريندن بيريدير.
آنا ديليميز هر زامان باشقا ديللرين فيشارينا معروض قالديغيندا, فعل قورولوشونون گوجو و قدرتيله اؤز ميللى وارليغينى قوْرويوب ساخلاميش و حتى اوْنلارا تاثير ده قوْيموشدور. بونا گؤره ده فعلين يئرى ديليميزده اؤزل دير.
بوٌتون ديللرده هر بير نيطق حيصه سينين اؤزونه گؤره خصوصيتلرى واردیر, آنجاق بيزيم ديلده فعللرين ائله خصوصيتلرى واردير كى باشقا ديللرده يوْخدور. مثلا ديليميزين معنا نوْعلارى و زامانى باشقا ديللردن فرقله نير.
آنا ديليميزده فعللرين خصوصيتلرى:
1. فعللرده ايشى گؤرن اوْلماليدير.
2. فعللرده اينكارليق آنلامى اوْلماليدير.
3. فعللرده تاثيرلى و تاثيرسيزليك آنلامى واردير.
4. فعللرده طرزلر واردير.
5. فعللرده نوع واردير.
6. فعللرده زامان آنلامى واردیر.
7. فعللرده شخص آنلامى واردير. (بو آنلام ايسيملرده ده واردير.)
8. فعللرده فوْرما اوْلار. (شكيللر)
9. فعللرده باغلاما شكيللرى واردير.
بوٌتون بو آنلاملار (شخصدن باشقا) فعله خاصدير.
بونلاردان باشقا فعللرده كميت مفهومو, شرط, سوال و قورولوشجا نوعلارى دا واردير.
گلن درسلرده بو اؤزلليكلرله تانيش اوْلاجاييق.
قایناق : سس ، صرف کیتابی پروفسور زهتابی-تخلیص ائدن ، سارای خانیم
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5307
44