🍎🏃📚✏️

96-جى درس


فعللر (25)

فعللرين شكيللرى (فورملارى)
(فعللرين زامان, شخص و فورما علامتلرينه گؤره دگيشمه سى)
3. خبر شکلی (فورمو)
او فعللره کی, ایشین کئچميشده باش وئرمه سى, ايندى جرياندا اوْلدوغونو و يا گله جكده باش وئره جه ييندن خبر وئره, خبر شكيللرى دئييلير. خبر شكيلينين اؤزل علامتى اوْلماز, آمما شخص و زامان اکلرى اوْلار. خبر شكيللرينين زامان علامتلرى بونلاردير:
الف) شهودى كئچميش علامتلرى
ب) نقلى كئچميش علامتلرى
ج) داواملى كئچميش علامتلرى
د) اينديكى زامان علامتلرى
ه) قطعى گله جك زامان شكيلچيلرى
و) غير قطعى گله جك زامان اکلرى
بو زامانلارين علامتينى كئچن درسلرده گؤرموشوك.
خبر شكيللرينين شخص علامتلرى آشاغيداكيلاردان عيبارتدير كى, بوٌتون اکلردن آخيردا يازيلار:
الف) شهودى كئچميش (فعللرده بيتيشن شخص تایلیقلاری بؤلومونه باخين): زامان و شخص اکلريله بيرليكده شهودى كئچميش زامانين تصديقينين كاميل صرفى:
1. دوْداقلانمايان فعللرده
*قالين, سس سيزله بيتن:
يازديم, يازدين, يازدى, يازديق, يازديز, يازديلار
* قالين, سسليله بيتن:
قالاديم, قالادين, قالادى, قالاديق, قالاديز, قالاديلار
* اينجه, سس سيزله بيتن:
وئرديم, وئردين, وئردى, وئرديك, وئرديز, وئرديلر
* اينجه, سسليله بيتن:
ديله ديم, ديله دين, ديله دى, ديله ديك, ديله ديز, ديله ديلر
اينكاريندا كؤكدن سوْنرا "ما-مه" آرتيريلار: يازماديم, وئرمه ديم, قالاماديم...
2. دوْداقلانان فعللرده
* قالین, سس سيزله بيتن:
دوردوم, دوردون, دوردو, دوردوق, دوردوز, دوردولار
* قالین, سسلیله بیتن:
قورودوم, قورودون, قورودو, قورودوق, قورودوز, قورودولار
* اينجه, سس سيزله بيتن:
گؤردوم, گؤردون, گؤردو, گؤردوك, گؤردوز, گؤردولر
* اينجه, سسليله بيتن:
سوٌرودوم, سوٌرودون, سوٌرودو, سوٌرودوك, سوٌرودوز, سوٌرودولر
اينكاريندا فعلين كؤكوندن سونرا "ما-مه" آرتيريلار, اوْنا گؤره ده دوْداقلانمايانلار كيمى صرف اوْلار: دورماديم, قوروماديق, گؤرمه ديز..
قایناق : سس ، صرف کیتابی پروفسور زهتابی-تخلیص ائدن ، سارای خانیم

╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯