🍎🏃📚✏️
 
97-جى درس
 
فعللر (26)
فعللرين شكيللرى (فورملارى)
(فعللرين زامان, شخص و فورما علامتلرينه گؤره دگيشمه سى)
3. خبر شکلی (فورمو)
ب) نقلی كئچميش (فعللرده بيتيشن شخص تایلیقلاری بؤلومونه باخين): زامان و شخص اکلريله بيرليكده نقلى كئچميش زامانين كاميل صرفى:
        1. دوْداقلانمايان قالين سسلى فعللرده
* سس سيزله بيتن:
آلميشام, آلميسان (آلميشسان = آليبسان), آليب, آلميشيق, آلميسيز (آلميشسيز=آليبسيز), آلميشلار (= آليبلار)
* سسليله بيتن:
تالاميشام, تالاميسان, تالاييب, تالاميشيق, تالاميسيز, تالاييبلار
  2. دوداقلانمايان اينجه سسلى فعللرده
* سس سيزله بيتن:
ايتميشم, ايتيبسن, ايتيب, ايتميشيك, ايتيبسيز, ايتيبلر
* سسليله بيتن:
يئميشم, يئييبسن, يئييب, يئميشيك, يئييبسيز, يئييبلر
اينكاريندا كؤكدن سونرا "ما-مه" آرتيريلار: آلماميشام, يئمه ميشم. ..
  3. دوداقلانان قالين سسلى فعللرده
* سس سيزله بيتن:
قورموشام, قوروبسان, قوروب, قورموشوق, قوروبسوز, قوروبلار
* سسليله بيتن:
قوروموشام (qorumuşam) , قورويوبسان, قورويوب, قوروموشوق, قورويوبسوز, قورويوبلار
اينكاريندا فعلين كؤكونه "ما-مه" آرتيريلار, اونا گؤره ده دوْداقلانمايانلار كيمى صرف اوْلار: قورماميشام ...
4. دوْداقلانان اينجه سسلى فعللرده
* سس سيزله بيتن:
سوٌرموشم, سوٌروبسن, سوٌروب, سوٌرموشوك, سوٌروبسوز, سوٌروبلر
* سسليله بيتن:
سوٌروموشم, سوٌرويوبسن, سوٌرويوب, سوٌروموشوك, سوٌرویوبسوز, سوٌرويوبلر
اينكاريندا فعلين كؤكونه "ما-مه" آرتيريلار. اونا گؤره ده دوداقلانمايانلار كيمى صرف اوْلار: سوٌرمه ميشم...
قایناق : سس ، صرف کیتابی پروفسور زهتابی-تخلیص ائدن ، سارای خانیم
 
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش                                                                                    
                                                  #تورکجه_یازاق_ائلنن_قالاق                                                                             
                                                  #کیملیییمیزه_بیرگه_دالاق
╰••••••••••••••••••••••••••••••••╯