🍎🏃📚✏️
70-جى درس
تایلیقلار (12)
5. تعيين تایلیقلارى
بو تایلیقلار جوٌمله ده ايسيملردن اؤنجه گلر و اوْنلارى تعيين ائدر. بو تایلیقلارين سایى چوْخدور. اوْنلارين لاپ چوخ ايشلننلرى بونلاردير: اؤز, هر, بوتون, عئينى, فيلان, ...
اؤرنك: من اؤز دوْستومو گؤردوم. اوْنلار اؤز ايشلرينى يئرينه يئتيرديلر. بو عئينى كيتابدير.
بو عوضلیکلرين هئچ بيريسى حاللانماز, جمع علامتى آلماز و منسوبیت اکلريله ايشلنمز.
"اؤز" تعيين تایلیغی هم ده قاييديش شخص تایلیغينين بيرينجى نوْعونون اساسينى تشكيل ائدير. بونلارين اساس فرقى اوْندان عیبارتدیر کی, قاييديش تایلیغیندا "اؤز" نيسبت اکلرى آلاندان سوْنرا قاييديش تایلیغی اوْلار, آنجاق تعيين تایلیغیندا " اؤز" هئچ بير اک قبول ائده بيلمز.
"اؤز" تعيين تایلیغی اوْلاندا موطلق بير ايسيمدن قاباق گلر و اوْنون ايسته يينه گؤره بو ايسيم نيسبت اکی قبول ائدر و بو اکی قبول ائتمه ين ايسيم "اؤز" ايله ايشلنه بيلمز.
تعيين تایلیغی اوْلاندا "اؤز"ون شخص علامتى اوْلا بيلمز و اوْندان سوْنرا گلن ايسيم شخصى بيلديرر: اؤز دوستوم, اؤز دوستوموز, ...
"اؤز" تعيين تایلیغی اؤزوندن سوْنرا گلن ايسیمى تعيين ائدير, آنجاق بو تعيين, صيفت تعيين ائتمه سى كيمى دئييل, بلكه بو ايسمى بيلديرير: "من اؤز خالقيما اينانيرام." دئديكده "اؤز" سؤزو "خالقيما" سؤزونو بللنديرير, دقيق لشديرير. بئله حاللاردا "اؤز" معناجا تعيين ساييليرسا دا, موستقيل شكيلده جوٌمله عضوو اوْلا بيلمز, بلكه اوْ اؤزوندن سوْنرا گلن ايسيمله بيرليكده جوٌمله نين معين عضوو اوْلور. اؤرنك اوٌچون يوخاريداكى جوٌمله ده "اؤز خالقيما" جوٌمله نين غير مستقيم تامامليغى دير.
قایناق : سس ، صرف کیتابی پروفسور زهتابی-تخلیص ائدن ، سارای خانیم
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5281
39
- ❤ 1