🍎🏃📚✏️
آذربایجان ندیر :
«آذ» سؤزو لغات الترک و برهان قاطع سؤزلوگونده «اوجا یئر» و «اوجا تپه» آنلامیندادیر.
عالیملریمیزدن چوخو «آذ/آز» سؤزونو «آس» سؤزوندن بیلیرلر. آس = آذربایجاندا یاشایان ائللردن بیری.
«ار» سؤزونو حکیم کاشغرلی کیشی آنلامیندا یازیبدیر. باشقا سؤزلوکلر آشاغیداکیلاری یازیبدیلار : اَر : آد. 1- کیشی. آرواد مجلیسینده یالنیز آرواد اولار اره یول وئرمزلر. 2- اؤناد. قهرمان. ایگیت. یاخشیلیغا یاخشیلیق هر کیشینین ایشیدیر/یامانلیغا یاخشیلیق ار کیشینین ایشیدیر. آتالار سؤزو. 3- عسگر(سرباز). 4- ایشینی یاخشی بیلن. یئتَنَکلی. استعدادلی. 5- آروادین حیات-یولداشی. اَر ایپک ساپدیر دو̌یون دوشسه آچیلماز- آروادی اَری ساخلار، پنیری دری. – ده ده م ائوینده-ده قارا گون اریم ائوینده ده. آتالار سؤزو.
بای کیتابلاردا بیگ یازیلان بیر سؤزجوکدور. بعضی آنلاملاری : بای/بَی : آد. 1- زنگین آدام. وارلی. 2- باشچی. رئیس. بَی ایله اکین اَکه نین تاغی چیگنینده بیتر. آتالار سؤزو. 3- سایغی اوچون کیشی آدلارینین یانیندا گلن بیر سؤز. علی بای(علی بَی). حسن بَی (حسن آقا). و ....
آذربایجان سؤزونون ترکیبی :
آذ+ار+بای+قان بعضیلری آز+ اربای + قان. منجه معنا دا فرق ائله مز.
دئمه لییم عربلر قان/گان یئرینه جان اکی ایشله دیبدیرلر.
آذربایقان/آذربایگان/آذربایجان = آذیز=آذیئر=آذ+ار بای+ گان/قان. بؤیوکلر تپه سی.
داها :
آس( آز)[ ائل آدی]+ اَر[ایگیت /قهرمان/ سلحشور]+ بَی[ بؤیوک/بزرگ] +قان(مکان اکی] قهرمان آز ائلینین یوردو.
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5280
223
- ❤ 1