🍎🏃📚✏️
اوشاق شعری
«آنا منی اوشاق یاشات»
آنا ،منیم توت الیمدن
دانیش منله اؤز دیلیم‌دن
اوْخشاسانا هئی تئلیمدن
آنا منی اوشاق یاشات
گئجه گۆندوز یانیمدا قال
یاتیر منی، قیچینا سال
شیرین شیرین لای‌لامی چال
آنا، منی اوشاق یاشات
منی آلسانا باغرینا
آپار عئینالی داغینا
گئچیم سوْلونا ، ساغینا
آنا، منی اوشاق یاشات
محبتین ایستی یووام
باخیشلارین ائدر دوعام
هم سویوم‌سان هم ده هاوام
آنا، منی اوشاق یاشات
پول وئرمه هئی اوْیونجاغا
پارکا آپار اوْیناماغا
مینیم اوْردا سالینجاغا
آنا، منی اوشاق یاشات
سنله آنا چایا گئدک ؟
بیرده گئده‌ک آغاج اکک ؟
قوملاردان بیر قالا تیکک
آنا، منی اوشاق یاشات
موبایلینی بیر یانا آت
دستمال گؤتور دالینا چات
باشینی قوْی یانیمدا یات
آنا، منی اوشاق یاشات
منی آپار آنا داغا
گئدک ؟چیچکلی یایلاغا
مئیوه درمک اوٌچون باغا؟
آنا منی اوشاق یاشات
آنا منه ناغیل اوْخو
گله‌جه‌گیم گؤزل توْخو
توتسون منی شیرین یوخو
منی آنا اوشاق یاشات
۱۴۰۵/۵/۲۵
#لیلا_قلیزاده
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5265
60
- ❤ 1