🍎🏃📚✏️
چوست ندیر :
چوست ایله باشماغین منجه فرقلری یوْخدور. اسکی زامان باشماق یوْخسا چکمه دابانسیز دوٌزلردی. چاریق دا دابانسیز بیر آیاق قابیدیر. سوْنرالار باشماقلارا داباندا قوْیولوبدور. و دابانلی آیاق قابینا باشماق، آیاق آلتیندا گئییلن باشماغا آیاق آلتی فارسجا دمپایی دئییلیر.
چاغداش آذربایجان دا باشماق ایشله نیر و تورکییه ده آیاق قابی.
*اوشاقلیغیمدا ۱۲-۱۰ یاشیمدا ایلک دؤنه قوشاچایدا بیر قوشاچایلیدان بو سؤزو ائشیتدیم. بیلیریک قوشاچایلیلار کیرماندا اولان پیچاقچی ائلیندندیرلر . اونلاریندا کؤکو اوْوشارلارا قاییدیر. اوْ زامان هله فارس سؤزو سؤزلریمیزه چوْخدا قاریشمامیشدی. گلدیم آتامدان چوست سؤزونون آنلامینی سوْروشدوم آتام دئدی قوْشاچایین کندلیلری باشماغا چوست دئیرلر. نئچه گونلر اؤنجه آخاقلارین بیرینده شاهسونلردن بیریندن چوست سؤزونو ایشیتدیم.
*چوست çust سؤزونه رحمتلیک اسماعیل هادی دیل دنیز کیتابیندا آچیقلاما یازماییبدیر.
خوجا سؤزلوگو آشاغیداکیلاری یازیبدیر :
چُوست : آد. دابانسیز و یوٌنگول آیاق قابی.
چوُسدوزلار : (تور.چوست+ فا. دوز. +تور. +لار.) باشماقچیلار آنلامیندا اوْلان تبریزده بیر محله آدی.
* شاهمرسی اؤز جامع لغتنامه سینده یازیب :
چوست çust : دمپایی. اُرُسی. توست نیز گویند. چوستچو چوسدوز : اُرُسی دوز.
*اسماعیل جفرلی چوْست çost یازیب : يوُمشاق دريدن تيكيلن آياق قابي.
بورادا هئچ بیری چوس یوخسا چوْس سؤزونه آچیقلاما یازماییبدیرلار.
شاهمرسی نین یازدیغیندان یارارلانساق و چوست سؤزونون باشقا دئییمینی یعنی «توست» سؤزونو باخیشا آلساق و اوْنو دا توتس سؤزونون دَییشگه سی بیلسک و توتس سؤزونو «توتماق»دان آیریلمیشینی قبول ائتسک شاید بیر آز (کسینلیکله یوخ) اوْنون کؤکونه گئتمک اوْلار.
توتماق سؤزوندن توتساق واریمیزدیر. توتساق ی زیندان آنلامیندا یازیرلار. یعنی دؤرد دؤوره سی توتولموش و بیر یوْخسا نئچه اینسانی ایچینه آلمیش بیر یئر. آیاقلاری قاپسایان زادی دا توتساق دان بیلسک، اوْلور آیاقلاری اؤز ایچینه آلان بیر آراج. سوْنرالار شاید توتساق سؤزو آیاق قابیندا توتس و سونرالار توتس یئرینه توست / چوست ایشله نیبدیر. تانری بیلن یاخچیدیر.
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5251
2.68K
- ❤ 1