🍎🏃📚✏️
64-جو درس
تایلیقلار (6)
3. سوال تایلیقلاری
ديليميزين اوٌچونجو نوع تایلیقلاری, معين بير شخص و يا اشيانى سوال طرزيله و عمومى حالدا بيلديرر. بو تایلیقلار دا, شخص تایلیقلاری كيمى, بير جوٌمله ده هئچ بير ايسمى دييشه بيلمز, آنجاق ايشلنديكلرى جوٌمله دن سوْنراكى جوٌمله ده اوْنلارين يئرينى توتدوغو ايسيم گلر.
بو تایلیقلاردان "كيم؟" و "نه؟" شخص تایلیقلاری كيمى, جوٌمله نين مبتداسى, تامامليغى, و خبرى اوْلا بيلر.
ديليميزده كى سوال تایلیقلاری بونلاردير:
كيم؟, نه؟, هارا؟, هانسى؟, هاچان؟, نئچه؟, نئجه؟, نه واخت؟, نه. زامان؟, هانى؟, هايان؟, ...
بو عوضلیکلردن كيم؟, نه؟, هارا؟, هانسى؟ سؤزلرى حاللانار, جمع علامتى آلار و خبر شكيلچيسى ايله ايشلنه بيلر:
كيملر, كيمين, كيمه, كيملره, كيمدن, ... بو كيمدير؟, ...
نلر؟, نه يين؟, نيه؟, نلره؟, ندن؟, بو ندير؟.
هارالار؟, هارانين؟, هارايا؟, هارالارا؟, هارالاردان؟, ... بورا هارادير؟ ...
هانسيلار؟, هانسينين؟, هانسينا؟, هانسيلارا؟, هانسيلاردان؟, ... سن دئين هانسيدير؟
بونلاردان "نه؟" واسيطه سيله نه واخت؟, نه زامان؟, نه جور؟, نه ساياق؟, نيه گؤره؟, ندن اؤترو؟, نه تهر؟, نه اوٌچون؟, نه قدر؟, نه سببله؟ كيمى سوال تایلیقلاری ده دوٌزلر.
بو تایلیقلاردان "كيم؟" عوضليگى اؤزونه اؤزل آشاغيداكى اؤزلليكلرى واردير:
1. كيم؟ سؤزو يالنيز اينسان آدلارى و يا بو آدلارين تصوورونو وئرن اشيانين آدلارينى دييشه بيلر: كيم اؤز ديلينى سئوير؟
2. كيم؟ تایلیغی تصديق بيلديرن فعللرله ايشلنديكده "هئچ كس" معناسى وئرير و اينكار بيلديرير: كيم بيلير, بلكه بوگون ياغيش ياغدى؟ صاباح نه اوْلاجاغين كيم بيلير؟
3. كيم سؤزو اينكار بيلديرن فعللرله ايشلنديكده "هامى" سؤزونو عوض ائدير و تصديق بيلديرير: آذربايجانين قديمدن توٌرك اوْلدوغونو كيم بيلير؟
قایناق : سس ، صرف کیتابی پروفسور زهتابی-تخلیص ائدن ، سارای خانیم
╭•••••••••••••••••••••• ••••••••••╮
╰➤@chgrmn
#تورکجه_دانیش_ائلنن_باریش
#تورکجه_یازاق_ائلنن_قالاق
#کیملیییمیزه_بیرگه_دالاق
╰••••••••••••••••••••••••••••••••╯
Post #5227
33
- ❤ 2