20 чэрвеня, па ініцыятыве ААН, адзначаецца Сусветны дзень уцекача. Гэтую дату вызначылі, каб прыцягнуць увагу да лёсу мільёнаў людзей, якія былі вымушаны пакінуць свае дамы з-за войнаў, пераследу ці рэпрэсій. Гэта дзень салідарнасці з тымі, хто шукае бяспекі і пачынае жыццё нанова 🧩

Пасля выбараў 2020 года і масавых рэпрэсій, якія ўчынілі ўлады, сотням тысяч беларусаў давялося выехаць з краіны.

Паводле розных ацэнак, за мяжой сёння жыве больш за мільён нашых суайчыннікаў, і каля 400 тысяч з іх пакінулі радзіму менавіта пасля падзей 2020 года.

Беларуская дыяспара актыўна пашыраецца ў Польшчы, Літве, Грузіі і Германіі 🗺️. Мы будуем новае жыццё, дапамагаем адно аднаму, працягваем змагацца за праўду і падтрымліваць тых, хто застаўся ў Беларусі.

І большасць з нас яднае адна думка — Мы абавязкова вернемся дадому 🏠