З 27 сакавіка Польшча больш не прымае заяваў на прытулак на ўсёй мяжы з Беларуссю. «Абмежаванне падачы заявак на міжнародную абарону часовае – яно складзе 60 дзён. У гэты перыяд нельга будзе падаваць заяўкі аб міжнароднай абароне на гэтай частцы мяжы», – тлумачыць Вольга Дабравольская, кіраўніца дэпартамента прававой дапамогі Цэнтра Беларускай салідарнасці.

Гучыць не вельмі добра, але, як удакладняе юрыстка, у пастанове ёсць выключэнні – і менавіта пад іх і трапляюць беларусы. Вось выпадкі, прадугледжаныя дакументам, у якіх заява аб абароне ўсё ж такі будзе прынятая:

Орган Памежнай аховы прымае заяву аб прадастаўленні міжнароднай абароны на ўчастку мяжы, на якім ужываецца абмежаванне права на падачу такой заявы, ад замежніка, які з'яўляецца:
✔️ непаўналетнім без апекі;
✔️ цяжарнай жанчынай;
✔️ асобай, якая можа патрабаваць асаблівага стаўлення, у прыватнасці з-за свайго ўзросту або стану здароўя;
✔️ асобай, у адносінах да якой існуюць абставіны, якія, паводле ацэнкі органа Памежнай аховы, адназначна сведчаць пра тое, што яна знаходзіцца пад рэальнай пагрозай сурʼёзнай шкоды ў дзяржаве, з якой непасрэдна прыбыла на тэрыторыю Рэспублікі Польшча;
✔️ грамадзянінам дзяржавы, якая выкарыстоўвае інструменталізацыю, з тэрыторыі якой замежнікі прыбываюць на тэрыторыю Рэспублікі Польшча.

Менавіта апошні пункт дазваляе беларусам, нягледзячы на часовае абмежаванне, прасіць аб абароне ў Польшчы, бо краіна іх паходжання выкарыстоўвае мігрантаў як элемент ціску.

Увесь артыкул даступны на polskieradio