Кіраўніца Кабінета сустрэлася са спікерамі парламентаў Паўночных краін у Рэйк’явіку

У межах візіту ў Ісландыю, які доўжыцца з 28 па 30 кастрычніка, Святлана Ціханоўская таксама выступіць перад Паўночнай радай і возьме ўдзел у міністэрскай сустрэчы Паўночнай рады.

Візіт пачаўся з сустрэчы са спікерамі парламентаў краін Паўночнай рады: Ісландыі, Фінляндыі, Нарвегіі, Швецыі, Даніі, Фарэрскіх і Аландскіх астравоў, а таксама Грэнландыі.

Святлана Ціханоўская звярнула ўвагу спікераў на сітуацыю з палітвязнямі і парушэннямі правоў чалавека ў Беларусі, а таксама заклікала паспрыяць вырашэнню легалізацыйных пытанняў беларусаў за мяжой. Сярод іншага абмяркоўвалі пытанні падтрымкі грамадзянскай супольнасці і незалежных медыя.

Акрамя кіраўніцы Аб’яднанага Пераходнага Кабінета Беларусі Святланы Ціханоўскай, спецыяльным госцем сесіі Паўночнай рады ў Рэйк’явіку стане таксама прэзідэнт Украіны Уладзімір Зяленскі.

@CabinetBelarus