Беларусь і яе інтарэсы ўпершыню ў гісторыі прадстаўленыя на міністэрскім саміце G7

Дэмакратычная лідарка Беларусі, кіраўніца Аб’яднанага Пераходнага Кабінета Святлана Ціханоўская была запрошаная на саміт і сустрэлася з прадстаўнікамі «Вялікай сямёркі» ў італьянскім Капры:

▪️дзяржаўным сакратаром ЗША Энтані Блінкенам,

▪️міністаркай замежных спраў Германіі Аналенай Бэрбак,

▪️міністрам замежных спраў Вялікабрытаніі Дэвідам Кэмеранам,

▪️міністрам замежных спраў Францыі Стэфанам Сэжурнэ,

▪️міністаркай замежных спраў Канады Мелані Жалі,

▪️міністрам замежных спраў Італіі Антоніа Таяні,

▪️вярхоўным прадстаўніком Еўрасаюза Жазэпам Барэлем.

Святлана Ціханоўская прыцягнула ўвагу вядучых палітыкаў свету да гуманітарнага крызісу ў Беларусі, яе паўзучай акупацыі Расіяй. Абраная прэзідэнтка таксама заклікала ўдзельнікаў да пошуку шляхоў вызвалення і рэабілітацыі палітзняволеных.

Святлана Ціханоўская: «Я заклікала міністраў працягваць падтрымку нашай грамадзянскай супольнасці і медыя.

Распавяла пра лёсы нашых палітвязняў, у тым ліку Машы Калеснікавай, Алеся Бяляцкага, і што такое інкамунікада. Мы гаварылі пра прыцягненне рэжыму да адказнасці, не толькі за вайну супраць Украіны, але і за рэпрэсіі супраць беларусаў.

І безумоўна, я падымала пытанне абароны нашай незалежнасці – Беларусь не павінна стаць суцяшальным прызам для Пуціна. Беларусь мусіць быць еўрапейскай, свабоднай, незалежнай і дэмакратычнай дзяржавай».

@CabinetBelarus