Buxoro shahar bo'yicha Ichki ishlar organlari faoliyatini muvofiqlashtirish boshqarmasi mas'ul xodimlari ishtirokida shahardagi 11-umumta'lim maktabida jinoyatchilik va huquqbuzarliklarning oldini olishga qaratilgan profilaktik tadbir bo'lib o'tdi. Ushbu uchrashuvda yoshlar ishtirokidagi qonunbuzilishi holatlarining kelib chiqish sabablari va ularga zamin yaratayotgan omillar atroflicha tahlil qilindi.

Tadbir davomida soha xodimlari tomonidan o'quvchilarni turli salbiy illatlar ta'siridan asrash hamda ularning huquqiy madaniyatini yuksaltirish masalalariga alohida e'tibor qaratildi. Yoshlarga jinoyatning ijtimoiy xavfliligi va uning huquqiy oqibatlari hayotiy misollar yordamida tushuntirib berildi.

Shuningdek, maktab ma'muriyati va ota-onalar bilan hamkorlikni yanada kuchaytirish, o'quvchilarning darsdan bo'sh vaqtlarini mazmunli tashkil etish hamda ularning xulq-atvorini doimiy nazorat qilib borish yuzasidan tegishli tavsiya va ko'rsatmalar berildi. Yig'ilish yakunida ishtirokchilar huquq-tartibot idoralari xodimlaridan o'zlarini qiziqtirgan barcha huquqiy savollarga batafsil javob oldilar.