Respublika hududida o‘tkazilayotgan "Qidiruv" tezkor tadbirlari doirasida jinoiy javobgarlikdan qochib yurgan shaxslarni aniqlash va qonun ustuvorligini ta'minlash bo‘yicha tezkor harakatlar izchil davom ettirilmoqda.

Xususan, joriy yilning 28-sentabr kuni olib borilgan tadbirlar davomida, O‘zbekiston Respublikasi Jinoyat kodeksining 169-moddasi 3-qismi "a" bandi hamda 48¹-moddasida ko‘rsatilgan jinoyatlarni sodir etib, sud idoralaridan yashiringanligi sababli Jinoyat ishlari bo‘yicha Buxoro shahar sudi tomonidan qidiruv e'lon qilingan fuqaro — Buxoro shahar, "Toshmachit" MFY, Q.Murtazoyev ko‘chasida ro‘yxatda turuvchi, 1991-yilda tug‘ilgan V. V.ning yashirinib yurgan manzili aniqlandi.

O‘zbekiston Respublikasi IIV huzuridagi JIED 6-mintaqaviy hudud 20-son JIEK tezkor xodimlari tomonidan olib borilgan qidiruv tadbirlari natijasida, qidiruvdagi ushbu shaxs Buxoro shahri hududida qo‘lga olindi.

Hozirgi vaqtda mazkur shaxsga nisbatan "qamoq" ehtiyot chorasi qo‘llanilib, tergov hibsxonasiga joylashtirildi.