Buxoro viloyati IIB HPB boshlig‘i o‘rinbosari, TVBSO komandiri hamda mahalla mas'ul xodimlari ishtirokida Buxoro shahridagi 16-sonli umumiy o‘rta ta'lim maktabida o‘qituvchilar bilan profilaktik suhbat o‘tkazildi. Uchrashuvda o‘quvchilarning darslarga muntazam qatnashishlarini ta'minlash hamda voyaga yetmaganlar o‘rtasida jinoyatchilik va huquqbuzarliklarning oldini olish masalalari muhokama qilindi.

Suhbat davomida o‘quvchilar davomatini qat’iy nazorat qilish, sababsiz dars qoldirish holatlarini barvaqt aniqlab, ularning oldini olish, shuningdek, darslarga qatnashmayotgan o‘quvchilar bilan individual profilaktik ishlar olib borishga alohida e'tibor qaratildi.

Shuningdek, yoshlar o‘rtasida jinoyatchilik va huquqbuzarliklarning oldini olish, ularning bo‘sh vaqtini mazmunli tashkil etish, ta'lim muassasasining ichki tartib-qoidalariga qat'iy rioya etishlarini ta'minlash hamda turli salbiy ta'sirlarga berilmaslik yuzasidan kerakli tushuntirishlar berildi.

Tadbir yakunida maktab o‘qituvchilariga o‘quvchilarning davomati, xulq-atvori va ta'lim olishi bilan bog‘liq muammolarni o‘z vaqtida aniqlash bo‘yicha tegishli tavsiyalar berildi. Ota-onalar bilan hamkorlikda profilaktik chora-tadbirlarni amalga oshirish hamda zarur hollarda mas'ul xodimlarni xabardor qilish muhimligi ta'kidlandi.