Respublika hududida o‘tkazilayotgan "Qidiruv" tezkor tadbiri doirasida jinoiy javobgarlikdan qochib yurgan shaxslarni aniqlash va qonun ustuvorligini ta'minlash bo‘yicha tezkor harakatlar izchil davom ettirilmoqda.

Xususan, joriy yilning 28-sentabr kuni olib borilgan tadbirlar davomida, O‘zbekiston Respublikasi Jinoyat kodeksining 122-moddasi 2-qismida ko‘rsatilgan jinoyatni sodir etib, sud idoralaridan yashiringanligi sababli Jinoyat ishlari bo‘yicha Jondor tuman sudi tomonidan qidiruv e'lon qilingan fuqaro — Jondor tumani, "Oqshix" MFYda yashovchi, 1987-yilda tug‘ilgan I. B.ning yashirinib yurgan manzili aniqlandi.

Jondor tumani IIB TQX JQB hamda JXX XPB mas'ul xodimlari tomonidan olib borilgan tezkor-qidiruv tadbirlari natijasida, qidiruvdagi ushbu shaxs Toshkent viloyatining Yangiyo‘l shahri hududida qo‘lga olindi.

Hozirgi vaqtda mazkur shaxsga nisbatan "qamoq" ehtiyot chorasi qo‘llanilib, Yangiyo‘l shahar IIBning vaqtincha saqlash hibsxonasiga joylashtirildi.