💲O‘zbekistondagi startaplar: kim va qancha pul jalb qildi. Aprel-iyun yakunlari

IT Park bilan birgalikda O‘zbekiston iqtisodiyotining muhim qismiga aylanib borayotgan venchur sohasini tahlil qilishni davom ettiramiz.

Birinchi chorak yaxshi bo‘lgan edi, ammo ikkinchisi undan ham yaxshiroq bo‘ldi — jami $14 million miqdoridagi 32 ta bitim.

Albatta, eng ko‘p mablag‘ni BILLZ jalb qildi — Pre Series A doirasida $9 million. Ha, TBC Bank butun kompaniyani emas, balki nazorat paketini sotib oldi.

Mablag‘ startapni yanada rivojlantirishga yo‘naltiriladi, shuning uchun bu O‘zbekistondagi strategik investitsiyalarning noyob misoli hisoblanadi.

Eng faol investor Aloqa Ventures bo‘ldi, u 18 ta startapga $885 ming sarmoya kiritdi.

Ular orasida AliPos (70 ming dollar), YorYor (20 ming dollar), EduCompass (10 ming dollar), Deepen (100 ming dollar), Romchi (50 ming dollar), ONvision (15 ming dollar) va boshqalar bor.

Eng ko‘p mablag‘ kiritgan IT Park Ventures bo‘ldi — beshta startapga, biroq $1,5 million miqdorida.

Shundan $1 millionni FlexSoft oldi — bu O‘zbekiston venchur sohasi uchun kamdan-kam uchraydigan summa (startaplar o‘rtacha 104 ming dollar jalb qiladi).

Investorlar barcha sohalardan manfaatdor

Investitsiyalarning 19,3 foizini AI-startaplar jalb qildi, ikkinchi o‘rinda edTech (12,9 foiz), uchinchi o‘rinni e-commerce, SaaS va ERP&CRM (har biri 9,7 foizdan) egalladi.

Ya’ni, biror bir sohaga og‘ish yo‘q — agroTech va Development tool’dan tortib MedTech va TravelTech’gacha bo‘lgan turli sohalardagi loyihalar mablag‘ olmoqda.

Bu muhim jihat, chunki boshqa mamlakatlarda vaziyat boshqacha. U yerlarda ko‘plab sohalar allaqachon yirik kompaniyalar tomonidan egallab olingan va startaplar uchun yangi g‘oyalarni taklif etish qiyin kechmoqda.

O‘zbekistonda esa shunchalik ko‘p imkoniyatlar, shunchalik kam ish qilinganki, har qanday sohadagi startap investitsiya jalb qilish imkoniyatiga ega bo‘lmoqda.

Yana bir quvonarlisi, investorlar poytaxtdan tashqariga ko‘proq e’tibor qarata boshladilar — ikkinchi chorakda Andijondan beshta, Farg‘onadan ikkita, Qashqadaryo va Samarqanddan bittadan loyiha moliyalashtirildi.

@beshtorr

#startaplar #investitsiyalar #itpark