💲O‘zbekistondagi startaplar: kim va qancha pul jalb qildi. Dastlabki uch oy yakunlari

Endi IT Park ko‘magida har chorakda shunday postlar tayyorlaydigan bo‘ldik, chunki venchur sohasi iqtisodiyotning muhim qismiga aylanib bormoqda.

2025-yilning yanvar-mart oylarida 8 ta startap investitsiya jalb qildi. Bu kimga va qachon mablag‘ berilgani aniq ma’lum bo‘lgan bitimlardir.

Eng ko‘p mablag‘ni Linko jalb qildi — $1 million. Kompaniya b2b yechimlarini ishlab chiqaradi.

Investor nomi oshkor etilmagan, ammo bu seed-bosqichi ekanligi va bitim mart oyida tuzilgani ma’lum.

Datatruck ikki fonddan $550 000 jalb — $300 000 Aloqa Ventures, $250 000 esa IT Park Ventures berdi. Startap AQShdagi logistika kompaniyalariga xizmat ko‘rsatadi.

Yana bir kompaniya, Unitlab AI ham shu ikki fonddan mablag‘ jalb qildi, ammo summa kamroq — $400 000. Startapning sun’iy intellekt modellarini yaratishni tezlashtiradigan platformasi bor.

UC Ventures birinchi chorakda faqat bitta loyihaga sarmoya kiritdi — $200 000 Platma’ga.

Bu sun’iy intellektga asoslangan biznesni avtomatlashtirish platformasi bo‘lib, o‘tgan yili $20 millionga baholanib, $2,25 million jalb qilgan edi.

Birinchi chorakda CS Angels, O‘zbekistondagi biznes farishtalarining xususiy klubi, ishtirokidagi bitimlar ham amalga oshirildi.

D-Clinics ulardan $35 000, JointPoint esa $30 000 jalb qildi. Birinchi startap klinikalarni kompleks boshqarish uchun modullar ishlab chiqadi, ikkinchisi — kontentni daromadga aylantirish vositasini yaratmoqda.

Sohalar bo‘yicha ERP&CRM yetakchilik qilmoqda — bu yo‘nalishda umumiy qiymati $1,2 millionlik ikkita bitim tuzildi.

Investorlar orasida eng faollari IT Park Ventures va Aloqa Ventures bo‘ldi — ular 3 tadan bitim imzoladilar.

Dastlabki uch oy yakuniga ko‘ra startaplarga kiritilgan investitsiyalarning umumiy miqdori $2,6 millionni tashkil etdi.

Xulosalar

⏺ Startaplarga investitsiyalar asta-sekin ochiq jarayonga aylanmoqda. Fondlar va biznes-klublar tufayli bu ommaviy va shaffof tus olmoqda.

⏺ Avtomatlashtirish bilan shug‘ullanuvchi startaplar boshqalarga qaraganda mablag‘ jalb qilishda ko‘proq imkoniyatiga ega.

⏺ Eng muhimi, investorlarga ma’qul keladigan qandaydir bitta soha yo‘q. Fintex, medtex, AI — farqi yo‘q. Asosiysi, loyiha istiqbolli bo‘lsa bo’di.

Shunday ekan, bosing.

Hozir O‘zbekistonda startapni yo‘lga qo‘yish uchun eng qulay payt — ham mablag‘ jalb qilish, ham bozorning ma’lum bir ulushini egallash iloji bor. Keyinchalik bu ancha qiyinlashadi.

Keyingi shunday maqola II chorak yakunida chiqadi, bu taxminan iyul oxiri-avgust boshida bo‘ladi.

@beshtorr

#startaplar