Vou, Asterium O‘zbekistondan tashqariga chiqishga tayyorlanyapti

Kompaniya BAA uchun xodim qidirishni boshladi.

Mahalliy fintex va Web3 bozorini, media, influenserlar, hamjamiyatlar va potensial hamkorlarni yaxshi biladigan odam kerak.

Asterium O‘zbekistonda atigi bir yarim yildan beri ishlaydi.

Shu vaqt ichida kriptobirja, depozitariy, o‘z blokcheyni, hamyon, kriptokartalar, ekvayring va tokenlardan iborat katta ekotizim qurib ulgurdi.

Bunday to‘plam jahon miqyosida ham kam uchraydi. O‘zbekistonda ishlagan modelni boshqa bozorlarga ham olib chiqsa bo‘ladi.

BAA buning uchun juda mos: bozor ham, auditoriya ham tayyor. Aholining qariyb 30 foizi kriptoaktivlarga ega — bu dunyodagi eng yuqori ko‘rsatkichlardan biri.

Kripto kundalik to‘lovlarga ham kirib boryapti: bir yil ichida to‘lovlar hajmi 88 foizga oshgan.

Asterium avval kriptobirja bilan kirib, keyin boshqa mahsulotlarini ham olib chiqishi mumkin. Talab bor.

Aytgancha, kompaniya mintaqaviy kengayishga tayyorlanayotgani haqida biz ancha oldin signal olgandik.

Bizdagi ma’lumotga ko‘ra, BAA — faqat boshlanishi. Keyin MENAning boshqa mamlakatlari va Janubi-Sharqiy Osiyo ham bo‘lishi mumkin.

Bu katta va noodatiy hikoyaning boshlanishiga o‘xshaydi. Chunki O‘zbekiston kompaniyalari, ayniqsa texnologiya sohasida, tashqi bozorlarga juda kam chiqadi.

Ha, bizda IT-xizmatlari eksporti bor. Lekin bu boshqa daraja: mahsulotni bir mamlakatda yaratib, keyin butun dunyoga olib chiqish. Revolut, Klarna va Adyen ham shunday yo‘l tutgan.

Ular Buyuk Britaniya, Shvetsiya va Niderlandiyadan boshlangan. Asterium uchun esa bunday nuqta O‘zbekiston bo‘lishi mumkin.

Stay tuned (c).

@beshtorr

#fintex