Гэта дакументальная стужка пра беларускіх палітвязняў: у верасні на 83‑м Венецыянскім міжнародным кінафестывалі адбылася яе сусветная прэм’ера.
«Лісты» («Listy» / «Letters from the Silenced Country») Андрэя Куцілы -- гэта фільм, створаны ў супрацы кінематаграфістамі Польшчы, Германіі і Літвы. Ён распавядае пра лёсы беларусаў, якія прайшлі праз турэмнае зняволенне, рэпрэсіі і вымушаную эміграцыю.
«Гэта можа дапамагчы людзям далёка за межамі краіны зразумець, што мы перажылі, што мы перажываем і што можа з намі быць у будучыні. І каб пазбавіцца ад гэтага стэрэатыпу, калі нас часта змешваюць з расяянамі або атаясамліваюць з палітыкай Расеі ці нават палітыкай беларускага рэжыму», – адзначыў рэжысёр.
39‑я цырымонія ўзнагароджання Еўрапейскай кінапрэміяй адбудзецца 16 студзеня 2027 года ў Афінах. ☝️