«Хацелася, каб камень быў беларускі». У Швайцарыі адкрылі абноўлены помнік Касьцюшку → https://smarturl.click/lqjEm5

17 кастрычніка ў швайцарскім Золятурне адкрылі абноўлены помнік Тадэвушу Касьцюшку. Яго падмурак зрабілі зь беларускага валуна вагой амаль тону, прывезенага зь Беларусі.

Для рэстаўрацыі спатрэбіліся намаганьні вялікай каманды, перамовы з гарадзкімі ўладамі і няпростая гісторыя транспартаваньня каменя празь некалькі краінаў.

Пра тое, чаму помнік запатрабаваў рэстаўрацыі, як беларускі валун везьлі ў Швайцарыю, мы пагутарылі напярэдадні ў «ПіКу Свабоды» з кіраўніком фонду Марыі Магдалены Радзівіл Алесем Сапегам, прадстаўніком беларускай дыяспары ў Швайцарыі.