🎥 2006 год у новым выпуску #IMBY

У шостым выпуску другога сезона #IMBY — 2006 год у Беларусі. Плошча пасля прэзідэнцкіх выбараў, спробы паўтарыць Памаранчавую рэвалюцыю, падпольныя канцэрты музыкаў і краіна, якая масава гуляе ў лато.

Лукашэнка сварыцца з галоўнымі саюзнікамі праз нафту і газ, беларускія хакеісты праводзяць свой лепшы чэмпіянат свету, а Аляксандр Глеб гуляе ў фінале Лігі чэмпіёнаў.

У поп-культуры — першыя хіты маладой Б’янкі, першыя жарты Славы Камісаранкі, Comedy Club Minsk, «Слухай Бацьку» і адмова J:МОРС атрымліваць рок-карону з рук Аляксандра Мілінкевіча.

А яшчэ ў 2006-м паміраюць Янка Брыль і Іван Навуменка, Беларусь спрачаецца з Італіяй за 10-гадовую дзяўчынку-сірату, на паўтары хвіліны становіцца касмічнай дзяржавай, а ў Мінску з’яўляецца «алмаз ведаў».

Глядзець выпуск: https://youtu.be/88zar_At9VM