Беларусы Грузии / BY in Georgia

❗️Шаноўнае спадарства❗️

Мой тэлеграм аккаўнт быў дададзены да экстрэміскага сьпісу, таму калі вы мелі чат са мной і наведваеце Беларусь, выдаляйце нашыя перапіскі.

Матэрыялы гэтага каналу таксама знаходзяцца ў гэтым спісе.

Прытрымлівайцеся мер бяспекі!

Беларусы ў Грузіі, просім падтрымкі нашай сям’і 🙏

Мяне завуць Аляксей Санчук. Я былы беларускі палітвязень, музыка і ўдзельнік пратэстнага руху 2020 года. За ўдзел у мірным пратэстным руху 2020 года я правёў у зняволенні амаль 6 гадоў.
Пасля вызвалення мне ўстанавілі 2 гады прэвентыўнага нагляду, таму я быў вымушаны тэрмінова пакінуць Беларусь.

Цяпер мы ў Грузіі ўсёй сям’ёй — я, мая жонка Ганна і наша 13-гадовая дачка. Мы спадзяваліся хутка пераехаць у Польшчу, але чаканне гуманітарных віз можа заняць да 8 месяцаў.
Пасля некалькіх гадоў турмы, пераследу і вымушанага ад’езду ў нас няма фінансавай падушкі, якая дазволіла б спакойна пражыць у Грузіі яшчэ некалькі месяцаў.

Таму зараз нам патрэбна матэрыяльная дапамога на лячэнне, прадукты, медыцынскія і бытавыя выдаткі, дакументы, транспарт і іншыя базавыя патрэбы сям’і да таго моманту, калі мы зможам бяспечна пераехаць у Польшчу.

Пра маю гісторыю:
https://spring96.org/ru/news/120843

Калі можаце дапамагчы нават невялікай сумай або зрабіць рэпост — гэта вельмі важна для нас ❤️
Aliaksei Sanchuk
TBC Bank, Georgia
SWIFT: TBCBGE22XXX
IBAN:
GE69TB7736445064400009
IBAN PLN:
GE86TB7736436110100007
Дзякуй кожнаму, хто дапаможа нам перажыць гэты складаны пераходны перыяд — грашыма, рэпостам, кантактам фонду, працай, адзеннем ці любой іншай падтрымкай. ❤️

23 жніўня — Тбілісі 5327 bar

Майстар-клас і невялікі pop-up shop ад hutkasmachnaa.
На майстар-класе працягнем ствараць крыжы Еўфрасінні - кожны ўдзельнік зможа прыдумаць уласны дызайн і ўвасобіць яго ў сваім крыжы.
Кошт майстар-класа - 50 лары.

Таксама можна будзе набыць нешта са свежага мерчу па адмысловым кошце для Сакартвэла.

Падрабязнасці https://www.instagram.com/p/DcJQqqNNEaY/?igsi=MWJxeHI4OTQ5eTV1OQ==

Далучайцеся да OPEN RESEARCH DINNER ужо ў гэтую нядзелю!

Чатыры мастачкі і мастакі — @bazinato, @milakotka.art, @hutkasmachnaa і Tanya May — запрашаюць вас на адкрытую даследчую вячэру, дзе выстава, супольная ежа, рытуал і мастацкае даследаванне сустрэнуцца за адным сталом.

Падчас рэзідэнцыі мастакі даследавалі пераходныя прасторы, збіраючы матэрыялы, гісторыі, сляды і веды з навакольных ландшафтаў.

Стол стане нашым супольным творам — месцам для знойдзеных аб’ектаў, ежы, гісторый, успамінаў, міфаў і размоў. Мастакі падзеляцца сваімі даследаваннямі і запросяць гасцей дадаць нешта сваё: гісторыю, ежу, напой, успамін — ці проста сваю прысутнасць.

Прынясіце нешта, чым хочаце падзяліцца:
ежу · віно · гісторыю · успамін · міф · сябе

📍 Tabori St 8, Shindisi, 41.670476, 44.770308
Mamuka Japaridze Residency — месца, дзе сустракаюцца прырода, гарадскія ландшафты, людзі і іншыя жывыя істоты.

📅 23 жніўня, 17:00 - збор, 18:00 - пачатак
✨ Уваход вольны

TRANSFORMATION LAB — новая адукацыйная магчымасць для маладых беларусаў_ак!

❓Што адбываецца пасля падзення аўтарытарызму? Як будаваць новыя інстытуты? Як прымаць складаныя рашэнні? Як зрабіць так, каб дэмакратыя сапраўды працавала?

🗣 Мы запрашаем на адукацыйную праграму, якая дапамагае адказаць на гэтыя пытанні!

📌 3 этапы: ад пагружэння ў тэматыку да выхаду з сапраўднай практычнай базай! ⬇️

1. Study Visit
Пяць дзён сустрэч і дыскусій з экспертамі_камі, даследчыкамі_цамі і грамадскімі дзеячамі_камі, якія маюць уласны досвед дэмакратычных трансфармацый.

2. Анлайн-курс
Пяць тыдняў, прысвечаных палітычным, эканамічным і грамадскім аспектам трансфармацыі, дзе вы пройдзеце шлях «агента_кі пераменаў» і разберацеся, як працуе «акно магчымасцяў» для дэмакратычных зменаў.

3. LARP Transformation Lab
Трохдзённая ролевая сімуляцыя, дзе вы зможаце прымяніць атрыманыя веды на практыцы: весці перамовы, ствараць кааліцыі, шукаць кампрамісы і прымаць рашэнні ва ўмовах палітычнай трансфармацыі.

💡 Гэта не курс па агульным грамадзянскім актывізме і не школа абстрактнага лідарства.
Transformation Lab — пра веды, інструменты і практычны досвед, якія дапамогуць лепш разумець працэсы трансфармацыі і магчымыя сцэнары будучыні Беларусі!

📍Польшча
📅 Верасень–лістапад 2026
👥 Маладыя людзі 18–35 гадоў
⏳ Ддл падачы заявак: 31 жніўня 2026
❗️Удзел цалкам бясплатны, аднак удзел ва ўсіх 3 этапах праграмы абавязковы!

Усе падрабязнасці і рэгістрацыю знойдзеце па спасылцы 🔗

Тбілісі

🔥 Red Hot Chilli Peppa па-беларуску!

Час пераключацца на вострае 🌶.
Гэтым разам гуляем Пепу па-беларуску!

🎃Вас чакае вельмі бадзерая, вясёлая і сучасная гульня, у якой знайшлося месца не толькі музыцы, але і папулярнай культуры, тэлебачанню, мемам і г.д.

Будзем разам успамінаць, пазнаваць, смяяцца і правяраць, наколькі добра мы арыентуемся ў тым, што гучыць, мільгае і вірусіцца вакол нас.

Збірайцеся ўсе і прыходзьце:
🗓 Калі: 12 жніўня, 20:00
📍Дзе: Grape Wine & Kitchen (Cулхана Цынцадзэ, 58)
🧑‍🎓Гульцоў у камандзе: 1-12*
💰Кошт: 20 лары з гульца

🖋Рэгістрацыя ўжо адкрытая! Запісвай каманду тут: https://forms.gle/omyhz1rF1V3YTG3HA ці пішы Віке - @vikache1701

Open Artist Talk: Ландшафт, памяць, міф і супольнасць

📍 Далучайцеся ў гэты чацвер да адкрытай сустрэчы з мастачкамі і мастакамі!

Пазнаёмцеся з чатырма беларускімі мастачкамі і мастакамі, якія прыехалі ў Грузію на месячную даследчую рэзідэнцыю, каб даследаваць перасячэнні ландшафту, памяці, міфа і супольнасці праз сучасныя мастацкія практыкі.

🗓 Чацвер, 6 жніўня, 19:00
📍 Library about Georgia, ½ Mikheil Zandukeli St. Tbilisi
🎟 Уваход вольны

Падчас сустрэчы мастачкі і мастакі раскажуць пра свае практыкі, пакажуць папярэднія працы і прадставяць даследаванні, якія будуць развіваць у розных рэгіёнах Грузіі на працягу наступных тыдняў.

Прыходзьце пазнаёміцца з мастачкамі і мастакамі, пачуць пра іх ідэі яшчэ да пачатку даследаванняў і далучыцца да размовы.

Больш дэталяў тут 👀

🇬🇪 Як паказаць сваю адметнасць ў Сакартвела?
Сярод тысяч турыстаў у Тбілісі ці Батумі беларусаў заўсёды бачна здалёк. Для гэтага патрэбны ўсяго два маркеры:
Размаўляць на роднай мове.
Быць у цішотцы ад znivien.pl (напрыклад як на фота - з усім зразумелым прынтам «Мой родны кут»).
Трымайце гарачую зніжку!
🎁 Зніжка 20% на ўсе заказы з сайта znivien.pl. 🎫 Промакод: Promo20 ⏳ Дзейнічае толькі да канца гэтага тыдня.
Апранайце сваё, размаўляйце на сваім! 🤍❤️🤍

👛 SWAP-маркет у Батумі

У нядзелю, 12 ліпеня, у "аКсяродку" ладзяць SWAP-маркет - івэнт па абмене рэчамі.

Як працуе своп:

Прыходзьце незалежна ад таго, ёсць вам што прынесці ці не. Рэчаў заўжды застаецца шмат.

Рэчы раскладваюцца па катэгорыях на сталах і вешалках.

Вы можаце глядзець, выбіраць і мераць тое, што вам спадабалася, не патаючыся нікога.

Вы можаце пакінуць свае рэчы, якія не разабралі, ці забраць іх назад. Рэчы, што засталіся, альбо раз’едуцца па вольных вешалках, альбо будуць чакаць наступнага свопа.

Што можна прынесці:

✔️ Мужчынскую і жаночую вопратку
✔️ Мужчынскі і жаночы абутак
✔️ Упрыгожванні, аксэсуары
✔️ Бытавыя рэчы
✔️ Кнігі, рэчы для рукадзелля і творчасці
✔️ Што заўгодна, чым вы не карыстаецеся, але іншым яшчэ можа спатрэбіцца
✔️ Брудную ці рваную вопратку: яна пойдзе на падсцілку для бяздомных сабак
✔️ Лішнія вешалкі: іх заўсёды не хапае.

Што лепш не прыносіць:

👉 Дзіцячыя рэчы і цацкі (толькі калі на падлеткаў)

👉 Зламаныя рэчы, нягодныя для выкарыстання

Уваход вольны, і заўсёды падзякуюць за данаты.

📆 Дата: 12 ліпеня
⏰ Час: з 14.00 да 19.00 (час мясцовы)
📍Месца: аКсяродак, Клдзіашвілі 32, Батумі

❇️ Хочаце на валанцёрства, трэнінг ці стажыроўку – але не ведаеце, з чаго пачаць? Далучайся да анлайн-Q&A!

Запрашаем маладых беларусаў і беларусак у эміграцыі на сустрэчу пра еўрапейскія магчымасці і праграмы мабільнасці.

Калі: 10 ліпеня (пятніца), 16:00 СЕТ
Дзе: Анлайн (Zoom)

🫥 Пагаворым пра тое:

• якія існуюць праграмы для моладзі;
• дзе шукаць валанцёрствы, трэнінгі і стажыроўкі;
• як зрабіць першы крок і падабраць магчымасць;
• што дае ўдзел у міжнародных праграмах акрамя падарожжаў.

🎉 Хто спікерка?

Іра Панядзельнік – навуковая камунікатарка і ментарка. У 2018-2019 гадах Іра каардынавала Erasmus+ і ESC Info Centre у Беларусі, сёння працуе з міжнароднымі сеткамі і магчымасцямі для моладзі ў рэгіёне Усходняй Еўропы і Каўказа.

Рэгістрацыя і падрабязнасці тут 🫥

🫥 Q&A ладзяць моладзевы савет "РАДА" і тг-канал "Твои возможности" ў межах кампаніі On the Move. Шукайце інфармацыю кампаніі па тэгу #belarusiansonthemove

🚶‍♂️ За колькі дзён вы прайшлі б 300 кіламетраў?
Прэзентацыя кнігі «З Порту да Сант'яга: дзённік з пілігрымкі»! 🌟

Штогод каля паўмільёна чалавек выпраўляюцца ў сярэднявечны шлях да Санцьяга. Нехта ідзе па рэлігійных прычынах, а нехта — каб проста перазагрузіцца, знайсці сябе ці праверыць на трываласць.

Летась Стэфан Корф прайшоў гэты маршрут з Порту за адзінаццаць дзён. Кожны вечар, збіраючы мазалі і пячаткі, ён занатоўваў свае думкі, эмоцыі і прыгоды. Так нарадзілася шчырая і натхняльная кніга-дзённік.

Што чакае вас на сустрэчы:
🌱 Жывыя гісторыі пра начоўкі ў старажытных кляштарах, вячэрняе цінта-дэ-верана і пад'ёмы а шостай раніцы;
📖 Чытанне ўрыўка з тэкста
💬 Цёплая гутарка і гульня ў словы;
✨ Магчымасць набыць кнігу з аўтографам аўтара

Гэтая сустрэча для ўсіх, хто любіць падарожжы, марыць пра Шлях Сант'яга ці проста хоча правесці вечар у прыемнай беларускамоўнай кампаніі за кубкам смачнага какава.

Асцярожна: пасля сустрэчы вам вельмі захочацца купіць заплечнік і выправіцца ў дарогу! 😉

🕖 Калі: 7 ліпеня (аўторак), 20:00
📍 Месца: Тбілісі, кавярня "But First Cacao"