Ўзбекистонда валюта ва фоиз хатарларини бошқарувчи янги компания ташкил этилиши мумкин
Ўзбекистонда валюта курси ва фоиз ставкалари тебраниши оқибатида юзага келадиган хатарларни камайтириш мақсадида махсус компания ташкил этиш режалаштирилмоқда.
Бу бўйича тегишли қарор лойиҳаси жамоатчилик муҳокамасига қўйилди.
Лойиҳага мувофиқ, компаниянинг асосий вазифаси корхоналар ва банкларга валюта курси ҳамда фоиз ставкалари ўзгариши билан боғлиқ хатарларни бошқаришда кўмаклашишдан иборат бўлади.
Компания банклар, халқаро молия институтлари ва бошқа ташкилотлар билан валюта ҳамда фоиз хатарларини камайтиришга хизмат қиладиган молиявий воситалар бўйича битимлар тузиши мумкин.
Шунингдек, унга валюта бозорида чет эл валютасини олди-сотди қилиш, маблағ жалб этиш ҳамда хорижда ҳисобварақлар очиш ҳуқуқини бериш кўзда тутилган.
Мазкур компанияни 2027 йил 1 мартга қадар ташкил этиш режалаштирилган.
@bankir
Post #9449
11.2K
- 👎 17
- 🤔 9