Ресей Украина аймақтарын соққылады, қаза болғандар бар

Сенбіге қараған түні Ресей әскері Украинаның Донецк облысындағы Славянск қаласына авиабомбамен соққы жасады. Қалалық әскери әкімшіліктің жетекшісі Вадим Ляхтың айтуынша, кемінде бір адам қаза болды, 10 адам жарақаттанды. Үйінді астында адамдар қалуы мүмкін.

Запорожьеге де соққы жасалды. Украинаның төтенше жағдай ведомствосының хабарлауынша, бес адам жарақаттанды, арасында бала да бар. Бірнеше ескі ғимарат бүлінген.

Харьков пен Харьков облысындағы он елді мекенге әуеден соққы жасалды деп хабарлады облыстық әскери әкімшіліктің жетекшісі Олег Синегубов. Оның сөзінше, екі адам қаза болды, 41 адам зардап шекті.

Украинаның қарулы күштері өткен түні әуеде 293 дронды жойған. 25 орынға дрон түскен.