Azatlıq Radiosı | Азатлык Радиосы

Күренекле галим, татар әдәби теле тарихы фәненә нигез салучы Вахит Хаков тууына 100 ел.

Галим һәм аның эшчәнлеген кыскача искә алыйк.

@azatliqradiosi

Татарстанның Яңа Чишмә районы Тубылгы Тау авылыннан 7 кеше Украинадагы сугышта һәлак булган. Бу - эшкә яраклы ирләрнең һәр 19нчысы дигән сүз.

Кемнәр алар? Безнең карточкаларда укыгыз.

Тулы мәкалә 👉 Idel.Реалии сайтында.

"Авылга күчәр идек, йортны салып бетерергә акча җитми" Түбән Кама халкы һөҗүмнән соң ничек яши

Кама буенда, Казаннан 220 км ераклыкта урнашкан һәм Русиянең иң эре ненфть химиясе комплексларының берсе янында төзелгән Түбән Камага 10 августта иң үлемечле һөҗүмнәрнең берсе булды. Ул көнне 13 кеше һәлак булды, 78 кеше яраланды.

Түбән Камада яшәүчеләр арасында мәгълүмат алу авыр. Русиянең Украинада алып барган сугышны яктыртуда цензура кертелде. Дрон һөҗүмнәре, алар китергән зыян фото-видеоларын тарату туелды. Русия куәт оешмалары һәм мәхкәмәләре сугышка каршы караш дип табылырдай яки Украинаны хуплау дип бәйләп булырдай теләсә нинди гамәлне һәм сүзләрне гаскәрне "кимсетү" дип саный. Моның өчен кануни җәза каралган.

"Берег" бәйсез журналистлар кооперативы берничә кеше белән сөйләшә алган.

💬 "Мин бу йорт янында күзләремә яшьләремә буылып басып тордым. Моны танырга да оялам. Мин инде олы кеше, күпне күрдем, әмма монда үземне тыя алмадым", — дигән 53 яшьлек Руслан (аның исеме үзртәлегән).

Шул ук вакытта сәнгать проектлары белән шөгыльләнүче һәм Түбән Камага эш белән еш килеп йөрүче Ольга әллә ни борчылмый, халыкның да паникага бирелүен күрмим ди.

💬 "Ныграк курыктым дия алмыйм, чөнки инде булган хәлләргә ияләштем. Асылда, хәзер бер җирдә дә имин түгел", — ди ул. Түбән Камада эшен туктатырга җыенмый.

44 яшьлек Алина (исеме үзгәртелгән) гомере буе Түбән Камада яши. 10 августтагы һөҗүм нәтиҗәләре турында Алина иреннән белгән.

💬 "Курку көчәя барды, миңа табибка мөрәҗәгать итәргә туры килде. Балалар өчен куркыныч, шәһәрдән китәсе килә. Курку көчәя бара, чөнки һөҗүмнәр ешайды һәм җимерүләре дә артты", — ди хатын. Балалары өчен борчыла, 1 сентябрьдә баласын мәктәпткә җибәрмәскә җыена.

"Ирем белән безнең авыл җирлегенә күчеп китү мөмкинлеген дә карыйбыз. Әлегә йортны тулысынча төзеп чыгарлык акча җитми", — дип аңлата Ольга.

Мәкаләне тулырак 👉 монда укыгыз.

Украина президенты Самардагы «Прогресс» ракет-галәм үзәгенә һөҗүм ракет һөҗүме ясалуын раслады.

Владимир Зеленский сүзләренчә, һөҗүм өчен «Фламинго» ракетлары кулланылган.

Моннан тыш, Зеленский ерак арага оча торган ракетларның Түбән Новгород өлкәсендәге «Саваслейка» аэродромына да барып җитүен хәбәр итте. Аның сүзләренчә, анда «Украина шәһәр һәм авылларына һөҗүм итүче Русия ракетларын йөртүче очкычлар урнашкан».

«РКЦ „Прогресс“» — ракет-галәм өлкәсендәге әйдәп баручы ширәктләренең берсе һәм «Роскосмос» дәүләт корпорациясенә керә. 1994 елдан бирле ул «Союз-2» сериясендәге ракет йөртүчеләр һәм галәм аппаратларны эшләү һәм сынау белән шөгыльләнә.

Самар өлкәсенә ракет һөҗүме булды. Зыян күрүчеләр бар.

Бүген иртәнге якта Самардагы сәнәгать ширкәтенә һөҗүм булды, дип хәбәр итте өлкә губернаторы Вячеслав Федорищев.

Зыян күрүчеләр бар диде, ләкин аларның санын әйтмәде.

Astra мәгълүматларына караганда, һөҗүм нәтиҗәсендә бер цехта янгын чыккан. Ул «Авиакор» заводына (очкычлар төзү, шулай ук төрле төрдәге һава җиһазлары ремонтлау һәм техник хезмәт күрсәтү белән шөгыльләнә) яки «Прогресс» ракет-галәм үзәгенә (ракет йөртүче «Союз-2» сериясен һәм галәм аппаратларны эшләү һәм сынау белән шөгыльләнә) карарга мөмкин.

Һөҗүм Украинада җитештерелгән ерак арага оча торган «Фламинго» канатлы ракетлары белән ясалган дип фаразлана. «Фламинго» ракетларын җитештерүче Украинадагы Fire Point ширкәтенең баш конструкторы Денис Штилерман X социаль челтәрендә ракет җибәрү видеосын һәм һөҗүм нәтиҗәләре күрсәтелгән видео чыгарды.


Фото: Astra / Telegram