Уфада җырчы Земфира үскән йорттагы аңа багышланган муралны прокуратура таләбе белән буяганнар. Башта әләк килгән.

Уфада җырчы Земфира балачагын уздырган йорттагы аның сурәте буялган. Моны прокуратура таләп иткән.

Земфираның рәсеме Уфаның Адмирал Ушаков урамындагы 64нче йорт диварында 2021 елда ясалган иде. Аны рәссам Олег Кайбышев ясады

"Зов народа" хәрәкәте башлыгы Сергей Зайцев муралны тулысынча юкка чыгарып, аның урынына "Русия патриоты яки каһарманы" сурәтен ясарга тәкъдим иткән иде. Аның мөрәҗәгатеннән соң Башкортстан хакимияте Уфа мэриясенә рәсемне үзгәртү мәсьәләсен йортта яшәүчеләр белән хәл итәргә киңәш итте.

Әмма бу йортта яшәүчеләр тарафыннан муралны алып ташлау турында мөрәҗәгатьләр ителмәгән.

Җырчы Русия Украинага каршы баскын сугышын башланнан соң Русиядән китте. Ул бу сугышны тәнкыйтьләп чыккан сирәк билгеле кешеләрнең берсе.

Тулырак 👉монда укыгыз.