Фигуралы шуучы Камилә Вәлиева халыкара ярышларда нейтраль статуста катнаша ала

Халыкара тимераякта шуучылар берлеге (ISU) фигуралы шуу остасы Камилә Вәлиевага нейтраль спортчы статусы биргән. Бу хакта оешманың матбугат хезмәте хәбәр итте.

Нейтраль статус Русия спортчыларына ISU эгидасы астында узган халыкара ярышларда Русия исеменнән чыгыш ясамыйча катнашырга мөмкинлек бирә. Шул ук вакытта аларга дәүләт тамгаларын, шул исәптән байрак һәм гимнны, куллану тыела. Моннан тыш, спортчылар оешманың нейтраль атлетлар өчен куйган таләпләренә туры килергә тиеш.

Былтыр 25 декабрьдән Вәлиева яңадан ярышларда катнашу хокукын алды. 2024 елның гыйнварында билгеләнгән дүрт еллык дисквалификациясе тәмамланды.

Пекин Олимпиадасы барышында килеп чыккан допинг җәнҗалыннан соң 2021 елның декабреннән башлап Вәлиеваның бөтен җиңүләре гамәлдән чыгарылган иде.